Bandièra01 1180x150: Comuna de Tolosa

Actualitats

Exposicion sus la lenga occitana a l’Abadiá de l’Escala Dieu

Fins al 26 de mai que ven, se poirà vesitar una mòstra sus la lenga del país, son usatge al long dels sègles e cossí impregna totjorn las vida dels occitans

Amb un concèrt de Cocanha, se tenguèt ièr lo vernissatge de l’exposicion “La lenga de nosta” a l’Abadiá de l’Escala Dieu (Baroniás Gasconas). S’agís d’una mòstra sus la lenga occitana que se poirà vesitar fins al 26 de mai que ven.
 
L’exposicion vòl far descobrir al public l’origina de l’occitan, son usatge al long dels sègles e cossí encara impregna la vida dels occitans; e mai la lenga siá gaireben desapareguda de l’usatge social, l’occitan se manifèsta totjorn dins cèrtas expressions, dins la toponimia, l’onomastica, etc.
 
L’exposicion es elaborada en completant una exposicion mobila sus panèls desrotlants consagrada a la lenga occitana que se realizèt en 2017. Ara es enriquida amb de documents originals sortits dels archius departamentals de Bigòrra e d’autras institucions de conservacion, e compren de documents sonòrs ancians e recents.
 
La mòstra l’an menada a bon tèrme lo Conselh Departamental dels Nauts Pirenèus e l’Ostal de la Cultura Occitana de Tarba.
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
6.

Es pas culpa dels occitans que la lenga es trobe en una situacion de desproteccion, senon de govern francès que ha violat tots los Drets Humans, culturalment genocida que ha tuat tots los esforces dels occitans per posar-la al loc qu' es mereis.

  • 1
  • 0
Oksitanlaştıramadıklarımızdanmısınız
5.

#3
Dins mon pichon argumentari que me soi fargat, me sembla qu'es a-n-aquela epòca que se faguèc...

1864
D'après une enquête de Victor Duruy ministre de l'instruction publique, l'enquête est destinée à faire un bilan de l'enseignement primaire en France. Dans cette enquête il y a un questionnaire sur les "idiomes et patois"

Dans le Tarn, pour les enfants habitués la langue du pays, le français est comme une langue étrangère dont ils bégaient les premiers mots à l’école.

Dans le Tarn et Garonne pour les écoliers il semble que le français soit du chinois !

En Corrèze et Haute-Vienne 60-71% des habitants ne parlent pas français.

91% et 100% en Aveyron ne parlent pas français.

Plus des 9/10 des habitants de 5 départements sont considérés comme ne parlant pas français.
66% de "patoisant" dans les alpes maritimes

Dans 21 des départements du sud il y a plus de 40% de la population qui ne parle pas français.

http://occitanica.eu/omeka/items/show/5128#3

http://www.persee.fr/doc/roman_0048-8593_1979_num_9_25_5281

Rapport de l'enquête
https://opus4.kobv.de/opus4-bamberg/files/25473/BABEL8KoedelDAopuskseA2.pdf

A signaler l'excellent livre de l'historien anglais Graham Robb : "une histoire buissonnière de la France " Paru chez Flammarion en 2011.
Première édition sous le titre : "The discovery of France" Paru en 2007.

  • 3
  • 0
Oksitanlaştıramadıklarımızdanmısınız
4.

#3

Çò me sembla que n’aguèri agut legit qualques retrachs endacòm,me rementi pus del nom de l’estudi nimai de lo que la faguèc…. Es benlèu dins « Persée »

https://www.persee.fr/search?ta=article&q=intercomprehension+dialectes+occitans

Te caldrà coratge e vam d’aqui que per la recerca « intercompréhension dialectales occitans » s’i troba 60 400 entradas d’articles…

  • 3
  • 0
Anta Belvésèr
3.

(Desencusatz me, pausi la question aquí pr'amor que vesi pas d'autre endreit per o pausar ; èi cercat plan longtemps mès èi pas trapat brica)

  • 1
  • 0
Anta Belvésèr
2.

Adiu monde!

Sabi pas se poiretz m'ajudar, més som a cercar un ligam devèrs un article sus la Tèla. Ei desbrumbat ont ès més me soveni encara de qualques causas :
- era escrit per un sabent qu'avià fait un estudi sus les dialèctes d'òc fa quicòm coma 100-150 ans (en françès, l'estile èra un bocit arcaïzant).
- Avià fait parlar una femna (originaria d'una vila coma Narbona, Besièrs, Agda o benlèu Marselha?) ambe monde d'endacòm mai per comparar l'intercompreneson dels dialèctes.
- L'avià fait parlar tanbèn ambe un(a) Catalan, me soveni, e benlèu un Italian? Aquesta femna èra sirventa o cosinièra.

Se sabètz ont/cossí trapar aqueste siti, vos grandmercegi!

  • 2
  • 0

Escriu un comentari sus aqueste article