Bandièra01 1180x150: Comuna de Tolosa

Actualitats

Tolosa aculhirà la jornada universitària “Trans-mission: creacion e ibridacion dins lo domeni d’òc”

La tòca es de crear un espaci de rescontre, d’escambi e de mesa en relacion entre los joves cercaires qu’an causit per lor subjècte d’estudi lo domeni occitan

A l’iniciativa dels Joves Cercaires en Domeni Occitan (JCDO) se tendrà lo 29 de març venent a l’Universitat Joan Jaurés de Tolosa (Ostal de la Recèrca, anfiteatre F417) una jornada d’estudi a l’entorn de la tematica: “Trans-mission: creacion e ibridacion dins lo domeni d’òc”.
 
La tòca d’aquesta jornada es de crear un espaci de rescontre, d’escambi e de mesa en relacion entre los joves cercaires qu’an causit per lor subjècte d’estudi lo domeni occitan. Las organizairas principalas de l’eveniment, Alice Champollion, Noemia Eyraud, Cécile Noilhan, Marina Mazars, Magalona Sauzet e Camilla Talfani, son estadas sostengudas per Rosa Medina Granda, presidenta de l’AIEO (Associacion Internacionala d’Estudis Occitans, fondada en 1981), e de qualques unes de sos membres.
 
Aquesta primièra sesilha serà plaçada jos la tematica de la transmission de tota mena e de tota forma, en particular dins la mesura que procedís sovent a l’encòp de la creacion e de l’ibridacion, dins un jòc entre renovelament e continuitat, mescladís e originalitat. La paraula serà donada a d’estudiants de mastèr, a de doctorands e de joves doctors qu’an relevat lo desfís dels estudis occitans a l’ora d’ara. Doas sessions se tendràn a l’encòp, lo matin e l’après-dinnar, de 9 oras a 18 oras. Especialistas de la literatura, lingüistas, istorians o encara musicològs, son la pròva de l’interès scientific de l’occitan uèi e de la riquesa de sos materials, encara plan sovent sosesplechats. A l’estrangièr, la legitimitat de la recèrca occitana es mens problematica qu’en França, ont de prejutjats e una indiférencia, non mens perilhosa per la transmission de la lenga e son estudi, existisson encara. Los recents projèctes de modificacion del programa escolar o mòstran plan: aurián un efièch negatiu sus las possibilitats d’ensenhament de las lengas regionalas en França e doncas sus un dels biaisses de lor transmission. Coma l’AIEO, los JCDO meton en evidéncia lor internacionalitat, que s’espandirà de segur dins l’avenidor. Als costats dels joves cercaires de las universitats de Tolosa, Montpelhièr, Niça e París, de joves cercaires d’instituts de recèrca e d’universitats italianas, portuguesas, catalanas, romanesas, britanicas, canadianas o soïssas faràn la presentacion de lors trabalhs actuals e futurs. Una plaça importanta serà consacrada als escambis e a las interaccions amb lo public, en particular al moment d’una taula redonda a la fin de la jornada d’estudi. Las comunicacions se faràn en occitan, en francés e en italian. Aquesta jornada s’adreiça a un public de cercaires e d’expèrts internacionals de la recèrca en domeni occitan, mas es tanben dobèrta a un public mai larg e non especializat. Los estudiants traparàn una escasença de descobrir las problematicas largas e actualas de la recèrca sus l’occitan, tot çò qu’aquesta lenga nos a transmés, e tot çò qu’avèm encara de transmetre sus l’occitan e en occitan.

 


Marina Mazars




abonar los amics de Jornalet
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Doktor Freud
4.

#3 Oc, aquo se ditz "laurar la mar". Mas lor explicar l'absurditat d'aquel comportament faria pas qu'enauçar lor mitomania paranoïaca. Daissatz-los laurar la mar, pecaire, que fan de mal a diguns.

  • 15
  • 4
Mythomanes & Mégalomanes Anonymes
3.

Que d'intitulés ronflants et d'envolées lyriques pour essayer désespérément de faire croire que l'occitan existe encore !

  • 28
  • 10
francesc palma
2.

Cal la creativitat per denunciar l'estat francès a basa de posters, videos, libres, premsa, radio,......

Partits representatius de los governs de la Republica Francesa:
PNF (Partit Nacionalista Frances)
PUNF (Partit Unionista Nacionalista Frances)
PUNIF (Partit Unionista Nacionalista Imperialista Franes)
PFF (Partit duas vegadas Francès)
PFFFFFFFFFFFFFFFFFFFFFFFFFFFFFFFFFFFFFFFFFFFFFFFFFFFFFFFFFF

  • 4
  • 0
Papioli
1.

L'occitan que siaja l'individu occitan o la lenga occitana es simplament un subjècte d'estudis. L'òm los estudit coma si nos eran etrangieras. Mas, per que quò marcha, chau que quò vibra dins lo còr de las gens. L'òm pòd trobar la melhora literatura mas si parla pas au monde occitan, quò marchera pas. De mai, si es copada de l'aer dau temps, de la realitats economicas, socialas e autras las gens se viraran vers d'autres literaturas. En Limosin i avia un proverbi plan implantat dins lo mitan rurau : "lo pan de l'autre es pas bon." Uei, l'òm a ren a far dau pan de l'autre, es totjorn de l'autre que sem devenguts daus consomadors.
Consideram lo temps coma lineari : i a lo passat, lo present, lo futur. Es ben, consideram que lo passat es davant nos; podam lo comprener, l'estudiar e en tirar de la leiçon per preparat lo futur. Uei, sovent, preferam nos inquietar dau futur tirat de nòstra imaginacion e d'idéias totas fachas Estudiar lo passat quò es ancrat lo futur dins nòstre passat, lo nòtre lo qu'avem coneigut dins nòstra familha, dins nòstra educacion famihiala, escolaria, professionala e a partir d'aqui tornat a l'istòria mai anciena. Qui ten son istoria a mai fisança en se.

  • 26
  • 2

Escriu un comentari sus aqueste article