Bandièra01 1180x150: Comuna de Tolosa

Actualitats

Montcorbau: omenatge reüssit a Jusèp Condò Sambeat

Nascut dins aquel vilatge lo 29 de març de 1867, Condò foguèt lo primièr aranés a emplegar l’occitan coma lenga literària en daissant un legat preciós per la lenga nòstra. Ongan se commemòra lo centenari de sa mòrt

| Conselh Generau d\'Aran
Se faguèt divendres passat a Montcorbau (Marcatosa) un omenatge a Jusèp Condò Sambeat, lo prèire, musician e escrivan aranés a l’ocasion del centenari de sa mòrt.
 
Aquí se presentèt un monument de l’escrivan mentre qu’un public nombrós s’amassava dins la glèisa de Sant Estève de Montcorbau per rendre omenatge a Condò dins un eveniment que comptèt sus las paraulas de Jusèp Amiell, actualament un dels actors màgers de la cultura occitana en Aran.
 
Nascut dins aquel vilatge lo 29 de març de 1867, Condò foguèt lo primièr aranés a emplegar l’occitan coma lenga literària en daissant un legat preciós per la lenga nòstra. Escriguèt de poèmas, de contes, de romans e de teatre. En 1912, ganhèt lo prèmi dels Jòcs Florals de Tolosa amb la rejoncha de poèmas Era Val d’Aran.
 
De soslinhar lo Vocabulari aranés publicat en 1915 e las òbras Victòria des Aranesi, Ua ròsa polida, Era veu deth campanau, Luenh dera Pàtria, Cançon dera Garona, Era cunhèra, Sang nòble e sang deth pòble, Jamès seigut e Ath deuant deth Sant Crist de Salardú, entre d’autras.
 
Venguèt prèire de la glèisa catolica en 1891 e lo destinèron a divèrsas parròquias de Catalonha e d’Aragon fins a l’an 1910 que tornèt al país coma curat de Salardú. Moriguèt lo 5 d’agost de 1919 a 52 ans e es enterrat a Bossòst. La Val d’Aran a consagrat tota l’annada a commemorar lo centenari de sa mòrt. En 1989 se creèt lo Prèmi Mossèn Condò de roman e poesia en son onor.
 


 
 


 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Visca los pioners de la lengo nostro.

  • 2
  • 0

Escriu un comentari sus aqueste article