Bandièra01 1180x150: Comuna de Tolosa

Actualitats

Las economias de Trump tòcan las emissions de ràdio en chechèn, tatar e bashkir

L’eliminacion de tres servicis informatius de Radio Free Europe daissarà aquelas lengas sens emissions criticas e objectivas

L’administracion del president dels Estats Units, Donald Trump, a prepausat de far d’estalvis en redusent del 22% las despensas consagradas a la radiodifusion internacionala e prevei l’eliminacion de tres servicis d’informacions de Radio Free Europe (RFE). Un dels servicis que se vòl barrar es un canal en qualques lengas minorizadas, mai que mai chechèn,  tatar e bashkir. D’un caire, “se tracta d’emplecs qualificats pels parlaires aquelas lengas” que se van pèrdre, çò planh a Jornalet un activista d’aquelas lengas. De l’autre, “es practicament lo sol mèdia que rapòrte regularament d’un biais critic e objectiu la politica lingüistica del govèrn rus”, çò precisa.
 
Lo budget per RFE seriá reduch de 124 milions de dolars en 2019 a 87 milions en 2020. Aquela reduccion considèra de mesuras draconianas de reduccion dels còstes. Las emissions en lenga georgiana seràn tanplan tocadas. A mai, se reduirà lo servici dins los Balcans en interrompent las activitats en sèrbe de Montenegro e en macedonian.
 
RFE difusa a l’ora d’ara dins 22 païses en 22 lengas. Sa tòca es de fornir d’informacions als païses ont los mèdias son restrenches.
 
 
 
 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Tota aquesta cola es varen engreissar e ajudar per la cia per atacar la Federacion de Republicas Russas. Aquestas emissions non son culturalas ni res que s'hi assemble, son propaganda ianco. Non tenen altra sentit aquestas emissions.

  • 1
  • 0
Pitaluga
1.

En França, las economias tòcan l'occitan. E lo breton, lo basc, l'alsacian...

  • 3
  • 0

Escriu un comentari sus aqueste article