Bandièra01 1180x150: Comuna de Tolosa

Actualitats

Marselha: la Bòna Maire se’n va a Nòva York

Los administrators del Rockefeller Center an anonciat l’intencion de crompar lo santuari marselhés de Nòstra Dòna de la Gàrdia e de lo menar a l’airal dich The Cloisters, una seccion del Metropolitan Museum of Art

Lo santuari marselhés de Nòstra Dòna de la Gàrdia, conegut popularament coma la “Bòna Maire”, poiriá èsser menat, pèira per pèira, a Nòva York
Lo santuari marselhés de Nòstra Dòna de la Gàrdia, conegut popularament coma la “Bòna Maire”, poiriá èsser menat, pèira per pèira, a Nòva York | Benh Lieu Song
Lo santuari marselhés de Nòstra Dòna de la Gàrdia, conegut popularament coma la “Bòna Maire”, poiriá èsser menat, pèira per pèira, a Nòva York. Los administrators del Rockefeller Center an anonciat l’intencion de crompar lo sit e de l’installar a l’airal dich The Cloisters, una seccion del Metropolitan Museum of Art situada dins un pargue installat sus un puèg de Manhattan, que conten qualques bastissas medievalas dont la majoritat son sortidas d’Occitània: una partida de las clastras de Sant Guilhèm del Desèrt, una partida de l’abadiá de Bonafont de Comenge o las clastras del convent de Tria de Baïsa.
 
E mai se The Cloisters se definís coma un sit consagrat a l’arquitectura e als jardins medievals, la còla del Metropolitan a mostrat un enòrme interès a emportar lo santuari marselhés d’estil “romanicobizantin”. “L’edifici es representatiu de l’istoricisme arquitectural del sègle XIX”, çò ditz Mara Rodrigues, pòrtavotz del Metropolitan, que remarca “l’alternància de pèira blanca e de marbre verd de Florença”, “lo monument de la verge en metal daurat” e sustot los mosaïcs de l’interior, pensadas per l’obrador Mora de Nimes e faches per la Società Musiva Veneziana.
 
Se lo Rockefeller, la comuna de Marselha e l’evescat arriban a un acòrdi, un musèu ocupariá la plaça de Nòstra Dòna de la Gàrdia.
 
 
 



 
fffff fffff
 Aquesta nòva es un peis d’abril. 
   



abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
5.

Es increible que los marselheses es daissen far una causa coma aquesta. Un simbol molt important de lo paisatge de la ciutat, qu' es puga vendre a los americans. Coma la Llotja de Perpinyan qu' hi feren una amburguesseria. Cola d' ignorants !

  • 2
  • 0
Pitaluga
4.

O ai totjorn pensat que la Bona Maire es una barrutlaira. es son costat mai simpatic.

  • 4
  • 1
Gèli Grande Lairac en Agenés
3.

Un autre peis d'abriu :
Flandria, Bretanha, Euzkadi nòrd, Catalonha nòrd, Corsega Alzàcia, Occitània, los DOM e los TOM
fan comunament una Declaracion Unilaterala d'Independéncia - DUI - e tòrnan sa sobeiranetat completa a França.

  • 8
  • 1
Felip Martèl Montpellier
2.

Bona novela ! A la plaça, un vai poer far un parking e un centre commerciau (es de causas que mancan dins aquesta borgada sinistraa)

  • 10
  • 0
Emir Tilha
1.

Aquesta informacion me sembla una meçroga. Es ieu meteis que l'ai comprada per la me menar a Dubay e me'n servir de musèu de las arts marcialas…

  • 12
  • 0

Escriu un comentari sus aqueste article