CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 20 d'agost

Actualitats

Dissabte, 20 d'abril de 2019, 03h00 Internacional,Politica

Segon Florence Parly, i a pas cap “de pròva” que d’armas francesas fagan de victimas civilas en Iemèn

Es atal que la ministra francesa de las armadas a reagit a las informacions del collectiu d’investigacion Disclose, qu’a desvelat las armas exportadas per França dins la guèrra en cors


Comentaris 5 comentaris    
Marrit Flac Bon Plan bon Fabulós (7 vòtes)
carregant En cargar


Segon la ministra francesa de las armadas, Florence Parly, i a pas cap “de pròva” que d’armas francesas fagan de victimas civilas en Iemèn. Es atal que reagiguèt dijòus passat a las informacions del collectiu d’investigacion Disclose, qu’aviá desvelat diluns un rapòrt classat secret de defensa.
 
Lo rapòrt en question, datat d’octòbre de 2018, ven de la Direccion de l’Informacion Militara e afirma que las armas exportadas de França, especialament de canons Caesar, serián utilizadas dins la guèrra en cors, compresas las zònas civilas.
 
Après que foguèt rendut public lo rapòrt, Parly diguèt sus Radio classique dijòus passat:
 

“A ma coneissença, aquelas armas son pas utilizadas de biais ofensiu dins aquela guèrra en Iemèn, e se pòt pas dire, doncas, de faiçon mecanica, –e cossí que siá ieu ai pas d’elements de pròva que permetan de dire aquò–, que d’armas francesas son a l’origina de victimas civilas en Iemèn”.
 
De mençonar que França foguèt en 2017 lo tresen exportator d’armas al Mond e que l’Arabia Saudita n’es un crompaire màger. Mai concretament es lo segond client pus important darrièr Índia e davant Qatar, çò rapòrta BFM TV. Dempuèi 2008, l’Arabia Saudita a comandat 11 miliards d’èuros d’armas a França.
 
 
Una guèrra que comencèt en març de 2015
 
Las armadas d’un desenat de païses, dirigits per l’Arabia Saudita, atacan dempuèi març de 2015 la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas sauditas contra los huthis.
 
Segon l’ÒNU, lo país es pròche de la catastròfa umanitària, e 21 milions de iemenitas an de besonh d’assisténcia en Iemèn del temps que las fòrças del govèrn, los saudians e los huthis, contunhan los afrontaments.
 
Las atacas contra los civils son frequentas, fins al ponch d’aver tuat d’enfants qu’anavan a l’escòla.
 
 
Alemanha cancelèt la venda d’armas a l’Arabia Saudita
 
En octòbre passat, la cancelièra alemanda, Angela Merkel, anoncièt que son executiu aviá anullat la venda d’armas a l’Arabia Saudita tant que s’esclaririá pas las circonstàncias de l’assassinat del jornalista Jamal Khashuqji (sovent transcrich Khashoggi). Parallèlament, los govèrns alemand, britanic e francés publiquèron un comunicat conjonch ont consideravan “injustificable” l’assassinat de Khashuqji que condemnan “dins los tèrmes pus energics possibles”. Lo ministre de l’economia alemanda, Peter Altmaire, a demandat als autres païses de suspendre tanben la venda d’armas a l’Arabia Saudita. De badas.


 
França e Espanha ne contunhan de vendre
 
Mas pel president francés, Emmanuel Macron, la venda d’armas auriá pas res a veire amb la mòrt del jornalista: “Aquò a pas res a veire amb lo subjècte que sèm a tractar. Es pas perque un dirigent ditz quicòm que soi obligat de reagir a cada còp”, çò diguèt Macron. De fach, Macron sembla de revendicar la presompcion d’innocéncia de Riad per l’afar Khashuqji. “Espèri que la vertat serà establida”, çò diguèt, malgrat las pròvas.
 
Tanben lo president del govèrn espanhòl, Pedro Sanchez, anoncièt al Congrès dels Deputats que cancelariá pas la venda d’armas a l’Arabia Saudita “a causa dels interèsses d’Espanha e de l’emplec dins de sectors estrategics dont plusors son situats dins de zònas tocadas pel drama del caumatge”. Sánchez fasiá referéncia a l’entrepresa publica Navantia qu’es a fabricar cinc vaissèls de guèrra per l’Arabia Saudita, e qu’emplega 6000 personas.
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

21 d'abril 22.55h

Las armas francesas matan a la gent al Iemen, mas son pas franceses eh ?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

21 d'abril 00.02h

Las armas francesas son pas d'armas de per natura, e se'n pòt pas respondre de la destinacion.


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

20 d'abril 12.30h

Las armas francesas nafran pas degun ! Basta de veire çò que fan las armas de las fòrças de manten de l'òrdre subres las manifestacions dels dissabtes ! Cap ombra pus mendre de començament del cap del det d'una victima…


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

20 d'abril 09.28h

Es plan conegut, França pot pas èsser missanta. Quand vend d'armas son d'armas que fan pas mal, vist que l'essència mèsma de França es lo bon, lo bèl e lo ben. CQFD.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

20 d'abril 06.27h

I a pas cap de pròva que la Parly siague ministra.
I a pas cap de pròva que Macron es estat fabricat per Attali, Niel, Pigassa e Cia.
I a pas cap de pròva que Castaner s'escapèt de Maiòta abans ora per èsser sus la fòto de l'incendi de NDDP.
I a pas de pròva que uèi es dissabte.
Eca.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Magalí Barceló

    Santa Gabèla: quatrena fèsta del fogal rural La Gabèla

  • Gavotina marítima: trofèu d'August e vila vielha d'A Torbia

  • Mentan

  • © Franc Bardòu

    Coserans al còr

  • Arremassada de signatures pera independéncia. ANC Val d'Aran, Vielha 11-12 de gèr 2014

  • © Zep Armentano

    Era Mongetada (Val d'Aran 28-29 d'octobre 2017)

  • Exposicion temporària sus Robèrt Lafont al CIRDOC (D.R.)

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Laurenç Revèst

    Menton, 'a vivaroalpenca maritima

  • © Laurenç Revèst

    Menton, 'a vivaroalpenca maritima

  • Los Pokémons de la 3a generacion revirats en occitan

  • © Josep Carpintero

    Presentacion dera ANC Val d'Aran en Vielha, 28/12/2013

  • La Korrika, la corsa per la lenga basca es arribada a Tolosa

  • Asuèlhs de Menerbés. © Franc Bardòu

    Asuèlhs de Menerbés

  • Asuèlhs comengeses. © Franc Bardòu

    Asuèlhs Comengeses

  • Pòrt de Niça: Li galeras

  • Asuèlhs de Menerbés. © Franc Bardòu

    Asuèlhs de Menerbés

  • Gavotina marítima: trofèu d'August e vila vielha d'A Torbia

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Laurenç Revèst

    Menton, 'a vivaroalpenca maritima

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


43%



37%



20%



0%




Vots 91 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)