Bandièra01 1180x150: Comuna de Tolosa

Actualitats

An creat un ret europèu per defendre e promòure las lengas minorizadas

L’occitan es representat pel Congrès Permanent de la Lenga Occitana

| RAG/Euskaltzaindia
De bascos, catalans, frisons, ladins, tiroleses, galècs e occitans an creat ongan un ret d’institucions lingüisticas per far viure las lengas minorizadas d’Euròpa, ne promòure la coneissença e far respectar la diversitat lingüistica del continent. Del costat occitan, es lo Congrés Permanent de la Lenga Occitana que representa la lenga nòstra, e trabalha amb la Real Academia Galega, l’Institut d’Estudis Catalans, l’Euskaltzaindia, la Fryske Akademy e EURAC - Institute for Applied Linguistics.
 
Segon l’acòrdi que signèron en genièr passat, lo ret se batrà per la reconeissença d’aquelas lengas e los instituts que las representan lucharàn davant l’Union Europèa per ne garentir los dreches lingüistics e l’avenir. En mai d’aquò,  se pensa a l’escambi d’experiéncias dins lo desvolopament de ressorsas lingüisticas e se parla de trabalhar dins una infrastructura numerica comuna.

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Balader Jean Charles La Selva de Segalar
7.

Una plan bona iniciativa

  • 1
  • 0
Pastenaga Orlhac
6.

Sempre aquela question me tòrna : per de qué aquela autoflagelacion de qualques "occitanistas" que legisson lo jornalet e fan de comentaris per desvalorizar tota iniciativa del monde que contunhan d'agir, de se batre per far viure lor lenga e lor indentitat ?
Una autra especialitat occitana, consequensia de sègles de devalorizacion, que consistis a s'autodevalorizar d'un biais inconscient ?
Per demorar dins la plaçòta permèsa per la cultura dominatanta ?
Curosa plaça qu'aquela : occitanista devalorizaire de çò que defend...

Per io, aquela iniciativa de solidaritat a l'escala de l'Euròpa es plan positiva.

  • 7
  • 0
Hilh
5.

Quau ei lo problèma dab lo congres? Que son eths qui hèn lo mei beròi tribalh numeric en occitan

  • 9
  • 3
Franc Bardòu
4.

#2 E totun avèm un organisme que trabalha subre la lenga, activament, e sense costar res al contribuïble : es l'Academia Occitana. E mantes occitanistas se'n chautan, mas i trabalham, trabalham e continuam de trabalhar, sense los onors ni las medalhas. Ja que non trabalham ni pels onors ni per las medalhas, mas per la lenga, e sonque per la lenga.

  • 11
  • 0
francesc palma
3.

Es necessari que i aja organismes aitals per poder aver mai assessorament de tota mena per exigir a l'Estat Francès que cumpla amb son deure amb las culturas e lengas regionalas, e los Drets Humans.

  • 4
  • 0

Escriu un comentari sus aqueste article