Actualitats
La santat mondiala en perilh
Se i a pas una utilizacion condrecha dels antibiotics, la resisténcia biologica umana a aquestes poiriá causar lèu de milions de mòrts e, a l’encòp, una grèva crisi mondiala coma la que se passèt en 2008, segon l'OMS
La santat mondiala poiriá patir lèu una grèva crisi. Aquò es çò que l’Organizacion Mondiala de la Santat (OMS) n’avisèt fa qualques jorns: se i a pas una utilizacion condrecha dels antibiotics, la resisténcia biologica umana a aquestes poiriá causar lèu de milions de mòrts e, a l’encòp, una grèva crisi mondiala coma la que se passèt en 2008.
Per ansin, l’OMS demandèt una legislacion unica dels antibiotics sus la planeta e una melhora utilizacion d’aquestes. Se aquò se fa pas, segon aquel organisme de las Nacions Unidas, abans l’an 2050, la resisténcia umana als antibiotics creisserà fòrça e i aurà una grèva pandemia que poiriá aténher los 10 milions de mòrts. E aquò es a mand d’arribar pr’amor que la tolerància als antibiotics es ja la causa actuala de pus de 700 000 decèsses per an.
Tot aquò se passèt dins lo darrièr rapòrt sus la santat que las Nacions Unidas publiquèt ongan. Après far una analisi prigonda de la santat umana, l’OMS determinèt que lo problèma pus grèu dels umans durant los ans venents seriá la resisténcia als antibiotics. E aquò a coma causa dirècta la marrida utilizacion dels antibiotics de part dels govèrns de la planeta.
La crisi de la santat que pòt arribar lèu, segon l’OMS, aurà coma causa lo fach que, uèi, de mai en mai d’umans son resistents als antibiotics. E s’aquela crisi se produguèsse, fin finala, çò ditz aquel rapòrt, i auriá d’umans que moririán aisidament per de malautiás que uèi son pas grèvas e que son fòrça comunas. Entre aquestas, d’infeccions urinàrias, respiratòrias o encara las sexualament transmissiblas.
Una grèva menaça mondiala
D’autre caire, l’OMS tanben avertiguèt que los efièches economics d’aquela crisi sus la planeta serián tanben tras que grèus. Segon aquela organizacion, aquò poiriá venir una granda catastròfa economica per la Tèrra. D’efièch, mai de resisténcia umana als antibiotics entraïnariá mai de recèrca medicala e, fin finala, aquò seriá un problèma per la produccion mondiala d’aliments. Segon la Banca Mondiala, en mai d’aquò, la tolerància als antibiotics menariá (o fa ja, en realitat) a una grèva crisi de pauretat per mai de 25 milions d’umans que se poiriá agravar pendent los dètz ans que venon.
Per far aquel rapòrt, las Nacions Unidas poguèron trabalhar amb divèrsas agéncias de santat internacionala, e la conclusion es, segon l’OMS, que cal far un estudi “pus prigond de mai d’una accion immediata, coordenada e sens limits dins totes los païses de la planeta sus aquesta problematica”.
Segon la sossecretaria generala de l’ÒNU, Amina Mohammed, “o cal far per poder balhar de proteccion a mai d’un sègle de conquistas medicalas”. Dins aquel sens, l’ÒNU demandèt de poder priorizar la creacion de plans d’accion estatals e de programas mondials sus la resisténcia als antibiotics en d’umans mas tanben en de plantas e d’animals. Per qu’aquò siá possible, cal far mai de recèrca e desvolopar de nòvas tecnologias per la lucha contra aquela resisténcia e metre fin a l’utilizacion d’antimicrobians dins las culhidas agricòlas. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Per ansin, l’OMS demandèt una legislacion unica dels antibiotics sus la planeta e una melhora utilizacion d’aquestes. Se aquò se fa pas, segon aquel organisme de las Nacions Unidas, abans l’an 2050, la resisténcia umana als antibiotics creisserà fòrça e i aurà una grèva pandemia que poiriá aténher los 10 milions de mòrts. E aquò es a mand d’arribar pr’amor que la tolerància als antibiotics es ja la causa actuala de pus de 700 000 decèsses per an.
Tot aquò se passèt dins lo darrièr rapòrt sus la santat que las Nacions Unidas publiquèt ongan. Après far una analisi prigonda de la santat umana, l’OMS determinèt que lo problèma pus grèu dels umans durant los ans venents seriá la resisténcia als antibiotics. E aquò a coma causa dirècta la marrida utilizacion dels antibiotics de part dels govèrns de la planeta.
La crisi de la santat que pòt arribar lèu, segon l’OMS, aurà coma causa lo fach que, uèi, de mai en mai d’umans son resistents als antibiotics. E s’aquela crisi se produguèsse, fin finala, çò ditz aquel rapòrt, i auriá d’umans que moririán aisidament per de malautiás que uèi son pas grèvas e que son fòrça comunas. Entre aquestas, d’infeccions urinàrias, respiratòrias o encara las sexualament transmissiblas.
Una grèva menaça mondiala
D’autre caire, l’OMS tanben avertiguèt que los efièches economics d’aquela crisi sus la planeta serián tanben tras que grèus. Segon aquela organizacion, aquò poiriá venir una granda catastròfa economica per la Tèrra. D’efièch, mai de resisténcia umana als antibiotics entraïnariá mai de recèrca medicala e, fin finala, aquò seriá un problèma per la produccion mondiala d’aliments. Segon la Banca Mondiala, en mai d’aquò, la tolerància als antibiotics menariá (o fa ja, en realitat) a una grèva crisi de pauretat per mai de 25 milions d’umans que se poiriá agravar pendent los dètz ans que venon.
Per far aquel rapòrt, las Nacions Unidas poguèron trabalhar amb divèrsas agéncias de santat internacionala, e la conclusion es, segon l’OMS, que cal far un estudi “pus prigond de mai d’una accion immediata, coordenada e sens limits dins totes los païses de la planeta sus aquesta problematica”.
Segon la sossecretaria generala de l’ÒNU, Amina Mohammed, “o cal far per poder balhar de proteccion a mai d’un sègle de conquistas medicalas”. Dins aquel sens, l’ÒNU demandèt de poder priorizar la creacion de plans d’accion estatals e de programas mondials sus la resisténcia als antibiotics en d’umans mas tanben en de plantas e d’animals. Per qu’aquò siá possible, cal far mai de recèrca e desvolopar de nòvas tecnologias per la lucha contra aquela resisténcia e metre fin a l’utilizacion d’antimicrobians dins las culhidas agricòlas. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La santat mondiala malauteja perque depend de la santat mentala dels oligarcas (Patrons de las GAFA, Trump, Macron, Potin, lo cap de còla chinés e los patrons dels laboratòris farmaceutics). E sabèm plan que totes aqueles son calucs a un gras mai o mes elevat. La majoritat, l'argent los fa venir baujes.
Una precision : son pas los umans que son resistents als antibiotics mas las bacterias. L’usatge larga manu dels antibiotics realiza una pression de seleccion dins las populacions bacterianas . Las subreviventas son donc las resistentas. Aquò’s de darwinisme experimental.
https://www.inserm.fr/information-en-sante/dossiers-information/resistance-antibiotiques
Una femna me diguet l'altra dia, qu' avia anat al metge e que non li avia volgut donar un antibiotic que ela li demanava, e que lo metge volia qu' ela se morís. Estava molt enfadada, la paure mesquineta volia comandar mai que lo metge.
La santat mondiala es pas menaçada perque sa tòca es pas d'assegurar una bona santa mas d'assegurar la bona santat financiera de Big -farmacia. E, que de mielhs que la paur de la malaudia, la menaçça de la resistança daus anti-biotics. Per aquò que de mielhs que far de la recercha per trobar que?.
La securitat sociala en creba e los frances se planjan de la medecina. Son los pus grands consomatots d'anti-depressors e de medicaments.
Dins lo mesme temps l'òm interdira las praticas alternativas basadas sur las plantas o ben sur l'energia que risquarian de far patir big-farmacia.
Daus uns disan que d'aqui 10ans demoraran nonmas 500 000 abitants sur terra, tarrats dins daus bunkers sosterrens reservats aus pus riches. La polucion, los pesticides e subrtot las ondas 5G (5ème generaccion) que van se developar pertot sur la planeta van far dispareitre la vita en surfaça de l'òme coma daus animaus.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari