Bandièra01 1180x150: Comuna de Tolosa

Actualitats

InternacionalPolitica

Galas: manifestacion istorica per l'independéncia

L'eveniment arriba una setmana après la reüssida de la manifestacion per l'independéncia escocesa a Glaschu

Galas visquèt dissabte passat una manifestacion istorica en favor de l’independéncia del país. Aperaquí 3500 personas caminèron per las carrièras de la capitala Caerdydd jos la crida d’AUOB Cymru (“Totes jos una bandièra – Galas”), un movement transversal qu’amassa totes los collectius que partejan la tòca de la sobeiranetat completa.
 
Los manifestants s’acampèron davant la comuna de la capitala galesa, e d’aquí estant percorreguèron las carrièras del centre de la vila. Segon los organizaires, se tracta d’una granda reüssida, mai que mai se prenèm en compte qu’es la primèra manifestacion independentista del país.
 
L’eveniment es arribat una setmana après la reüssida de la manifestacion per l’independéncia escocesa a Glaschu.
 
 
Lo Brexit a fach créisser l’independentisme
 
L’independentisme en Galas es totjorn estat un movement minoritari sostengut per un quart dels ciutadans, mas lo Brexit a tornarmai reviscolat lo debat sus l’unitat d’Irlanda, l’independéncia d’Escòcia e ara sus l’avenidor galés.

 
 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Iguañada (PP.CC.)
3.

Escòcia, Gales, Kornualla, Feroe, etc. Tots son dignes de tenir estat, i es dona que son Nacions de ple dret.
Doncs sommi, a fer-ho gros , tenen tant dret com tothom a ésser lliures, i que ho siguin.
Quantes mes Nacions al Mon molt millor.
Visca la Terra...Lliure!
L'Ernest, "El Tàrrega".

  • 0
  • 0
Pitaluga
2.

Vaquí una bona novèla. Mai los pòbles se bolegaràn, mens la Comission europèa poirà contunhar de se calar. Cal metre lo oai per saquejar lo bunker dels estats-nacion.

  • 6
  • 0
francesc palma
1.

Lo País de Gales coma Escocia tenen seleccions esportivas e per tant las nacions son mai reconegudas o son reconegudas, causa que non passa en l'Estat Espanhol.

  • 4
  • 0

Escriu un comentari sus aqueste article