CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 22 d'agost

Actualitats

Dimècres, 15 de mai de 2019, 03h00 Economia,Politica,Societat

Que hè hrèita panèus!

Los maires ruraus que se’n veden entà trobar pro de panèus tà l’afichatge de las eleccions europèas


Comentaris 9 comentaris    
Marrit Flac Bon Plan bon Fabulós (8 vòtes)
carregant En cargar


Lo 26 de mai qui vien, las eleccions europèas que van designar los representants au Parlament Europèu. 34 listas que son oficiaument inscriutas en França. Un recòrd qui n’ei pas shens consequéncias en tèrmes d'organizacion. En efèit, los maires ruraus que se’n veden entà trobar pro de panèus tà l’afichatge!
 
Se’us pòden despartir en dus entà panar drin d’espaci, que cau totun qu’i posquin pegar ua petita e ua grana aficha, en tot arrespectant dimensions precisas e tanben l’ordi de las candidaturas, hèitas au sòrt. Un copacap vertadèr peus elejuts.
 
Avossin pro de sòus, que se’n poderén benlèu crompar, mes que s’acontentaràn de vielhas pòrtas.
 
Pr’amor dens aqueth ahar de panèu qu’i cap lo simbòl de la situacion de la ruralitat uei lo dia en França: completament desbrombada e estremada deus debats, autant au nivèu nacionau com europèu.
 
Deu còp, la colèra que puja deu costat deus maires ruraus! E si ne s’i son pas escaduts, fin finau, a bastir la famosa lista “Federacion Ciutadana” tà las europèas (mauescaduda qui n’a pas arren a véder dab la manca de panèus) que voleràn totun amuishar lo lor maucontentèr. Atau, qu’an previst de travar lo transferiment deus resultats de las eleccions europèas a l’Estat, lo 26 de mai qui vien. Entà qu’ac espèran, forçar las institucions a escotà’us.
 
Mes au delà, dab aquera accion, los maires ruraus que’s viran dejà de cap tà las eleccions municipaus de 2020. En efèit, que vienen de har paréisher ua tribuna entà ahiscar los ciutadans a s’engatjar dens la vita publica tà la lor comuna. Qu’i parlan de coconstruccion a l’escala de la comuna entà bastir projèctes collectius generós e solidaris. Com ac bremban dens lo lor tèxt, la màger part, per estar “shens etiquetas”, ne son pas per tant “shens valors”. Mes shens panèus totun.
 
Au còr de l’actualitat per aquestes torns, 80 maires ruraus que vienen tanben d’aviar ua peticion entà demandar lo manteniment deu jornau deu ser de France 3 Soir 3, miaçat de passar sus Franceinfo. Un ahar de seguir.
 
 
 
 
Ràdio País
 
 
 


Aqueste article es possible gràcias a un acòrdi de cooperacion entre Jornalet e Ràdio País.











abonar los amics de Jornalet
 



publicitat
BANER1-2-3: DGPL TRADUCTOR



Comentaris

18 de mai 22.53h

No vos preocupets pas pels panels,que non posin cap. A Palma solament posan los sieus cartelhs los partits qu'an demandat diners als bacs privat, que son tots manco Podem.


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

17 de mai 16.17h

Ba! Es pas un grand problèma, l'afar dels panèus. Serà resolgut, evidentament. N'avèm vist d'autres plan mai complicats!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

15 de mai 22.07h

#1 +2+3+4+5+6 Coma passa (tròp) souent damb eths comentaris sus Jornalet, en duas linhas de questions de vocabulari o gramatica, se desbremba completament deths problèmas pausats en eth article.
Quin se n'en shauta d'era misèria forçada deras comunas ruraus, deras suas caijudas economicas, dera manca de miejans umans e materiaus, en madeish temps deras cargas e responsabilitats a cada còp mès pesugas qu'eth estat les hica ath dessus !
De comentaris e opinions sus eths diuersis projets ta... Legir mai


Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

15 de mai 15.04h

#5 l'expression...qu'ei incorrèctA. :-D


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

15 de mai 14.45h

La mia responsa que seré
Que son corrèctas las expressions qui segueishen:

Que hèn hrèita panèus.
Qu'an hrèita de panèus.
Que son en hrèita de panèus.



L'expression har hrèita quauquarren qu'ei incorrècte. A la rigor, que's pot adméter: que hè hrèita de quauquarren enquèra que l'expression s'emplega en realitat pas sonque a la forma negativa. Non hè hrèita de (+ infinitiu).


Valoriza aqueste comentari:   votar positiu 2   votar negatiu 3
Respondre comentari replica Comentari inadeqüat   Formulari d'abús de comentari

15 de mai 13.56h

#2 & 3: mercés!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

15 de mai 13.37h

#1 Que pensi los dus que's pòden díser.'' Panèus que hèn hrèita'', o ''que hè hrèita panèus''. Mes ne hèi pas lo gramatician...


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

15 de mai 13.37h

#1 Per ieu, se tracta d'una estructura impersonala (cf. francés "il manque") correnta en occitan; l'ai doncas pas corregida.


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

15 de mai 12.00h

Gramaticians, au secors! E cau plan díser atau: "que hè hrèita panèus" o non serà pas "que hèn hrèita panèus"??? Question shens malícia.


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

“Mn. Condò siguec hilh dera Renaishença Catalana”

Jusèp Amiell prèire e escrivan aranés

“Mn. Condò siguec hilh dera Renaishença Catalana”
giny

giny

publicitat

lateral 2 teveoc

Fotografias

  • Nhèu d'abriu en Aran. © Xavi Gutiérrez Riu

    Nhèu d'abriu en Aran

  • Estivada 2013. © Guillem Sevilla

    Estivada 2013

  • © Xavi Gutiérrez Riu

    31n rescontre occitanocatalan al Pòrt de Salau

  • © Laurenç Revèst

    Menton, 'a vivaroalpenca maritima

  • © Laurenç Revèst

    Besièrs, preséncia d'occitan en ciutat e CIRDOC

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Laurenç Revèst

    Menton, 'a vivaroalpenca maritima

  • © Laurenç Revèst

    Economia occitana: fromais, lenga occitana e país d'Òc

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Gavotina marítima: trofèu d'August e vila vielha d'A Torbia

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Exposicion temporària sus Robèrt Lafont al CIRDOC (D.R.)

  • Ciutat de Draoníer. © Cristòu Daurore

    Ciutat de Draoníer (Val Maira)

  • Musèu de Terra Mata, Niça, mai anciana traça de fuec au monde

  • © Laurenç Revèst

    Auribeu de Sianha

  • © Margaria Pepin

    Adobament dal Grand Prèmi de Mónegue de 2014

  • A Gavotina marítima: Recabruna Cab Martin, a vila vielha e o castèl dau sécolo X

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


42%



35%



22%



0%




Vots 116 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)