Bandièra01 1180x150: Comuna de Tolosa

Actualitats

L’UE a punit d’un miliard d’èuros cinc bancas per aver manipulat lo mercat de las devisas

La societat bancària soïssa UBS a evitat una multa de 285 milions d’èuros perquè aviá raportat a la Comission Europèa l’existéncia dels cartèls

“Lo comportament d’aquelas bancas a mespresat l’integritat del sector al despens de l’economia europèa e de sos consumaires”, çò a dich la comissària europèa de la concurréncia, Margrethe Vestager, tanben candidata dels liberals a la presidéncia de la CE
“Lo comportament d’aquelas bancas a mespresat l’integritat del sector al despens de l’economia europèa e de sos consumaires”, çò a dich la comissària europèa de la concurréncia, Margrethe Vestager, tanben candidata dels liberals a la presidéncia de la CE | Friends of Europe
La Comission Europèa a sancionat cinc bancas amb una multa d’1,07 miliard d’èuros per aver participat a dos cartèls dins lo mercat de devisas coma l’èuro, la liura esterlina, lo ien japonés, lo franc soís o lo dolar estatsunidenc. Lo primièr cartèl, nomenat “Banana Split per tres”, engatjava d’agents de borsa de Barclays, de Royal Bank of Scotland (RBS), de Citigroup e de JP Morgan del temps que lo segond, conegut coma “Essex Express”, engatjava d’agents de Barclays, d’RBS e d’MUFG. Una enquèsta de l’executiu europèu a determinat que los agents de las desparièras bancas concernidas escambièron “d’informacions sensiblas” en coordenant d’estrategias per decidir de crompar o vendre de moneda e, quand o caliá far, per n’optimizar lo profièch.
 
“Lo comportament d’aquelas bancas a mespresat l’integritat del sector al despens de l’economia europèa e de sos consumaires”, çò a dich la comissària europèa de la concurréncia, Margrethe Vestager, tanben candidata dels liberals a la presidéncia de la Comission Europèa.
 
La multa pus nauta es de 257 682 000 èuros e punís lo cartèl Essex Express per l’activitat facha entre 2009 e 2012. D’autre caire, las reünions entre Barclays, Citigroup e JP Morgan son estadas castigadas amb una multa d’811 197 000 èuros per las reünions e l’escambi d’informacions entre 2007 e 2013.
 
Totun, UBS, societat bancària de la sedença en Soïssa, a recebut una plena immunitat per aver raportat a la Comission Europèa l’existéncia dels cartèls. Aital, e mai UBS participèsse a totas las activitats, a evitat una multa de 285 milions d’èuros.
 
 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

L'unic partit que demanda als bancs privats, que tornen los 60 mil milions d'e, es Podem. E que se dialogui e es faça un estat plurinacional que puga contentar totas las necessitats de la Magnífica Nacion Catalana.

  • 2
  • 0

Escriu un comentari sus aqueste article