Bandièra01 1180x150: Comuna de Tolosa

Actualitats

Eleccions europèas: Puigdemont, Junqueras e Alfonsi eurodeputats e pojada de l’extrèma drecha

Los dos grands partits europèus pèrdon pel primièr còp la majoritat absoluda e los ecologistas e los partits pels pòbles minorizats puèjan. L’independentisme catalan obten de resultats istorics

| @peronelladarago
Lo Partit Popular Europèu a ganhat las eleccions al parlament seguit del Partit Socialista. Pasmens, los dos grands partits europèus an perdut mai de 40 sètis, sustot lo PPE, e pèrdon pel primièr còp la majoritat absoluda dins l’eurocambra. Se prevei una legislatura ont los liberals tendràn la clau gràcias al bon resultat del partit d’Emmanuel Macron a l’estat francés.
 
Lo candidat socialista a presidir la Comission Europèa aviá prepausat un pache dels partits que se tròban a l’esquèrra del Partit Popular Europèu, mas es possible qu’arriben pas a la majoritat absoluda.
 
L’extrèma drecha a tanben un aument important e mai se poiràn pas blocar la cambra. Lo Recampament  Nacional de Marine Le Pen es la fòrça mai votada dins l’estat francés (trobatz aicí los resultats de França comuna per comuna). En Itàlia se consolida tanben l’extrèma drecha de Salvini.
 
 
Puigdemont, Junqueras e Alfonsi elegits eurodeputats
 
Quants als Verds - Aliança Liura Europèa (ALE), que contenon una granda part dels partits pròminoritats e independentistas, an obtengut un bon resultat en creissent considerablament en Alemanha, e venon la tresena fòrça de l’estat francés. L’autonomista còrs, François Alfonsi, es elegit eurodeputat.
 
De soslinhar la victòria incontestabla dels independentistas catalans. Lo president de la Generalitat de Catalonha en exili, Carles Puigdemont, e son vicepresident en preson preventiva, Oriol Junqueras, son estats elegits eurodiputats e an fach de resultats recòrd en Catalonha e quitament dins d’autres territòris de l’estat espanhòl.
 
 
L’independentisme catalan se consolida
 
En Catalonha, l’independentisme empòrta lo 49,7% dels vòtes de las eleccions europèas. La lista de Carles Puigdemont es la fòrça mai votada amb lo 28,5%. Segurián los socialistas amb lo 22,1% e la lista d’Oriol Junqueras, amb lo 21,1%.
 
Es atal que la lista de Puigdemont pòt emportar dos deputats, del temps que la lista de Junqueras pòt arribar a tres car s’es presentada amb de sobeiranistas galècs e bascos.
 
Après l’ensag d’anullar la candidatura de Puigdemont e la suspension de l’eleccion de Junqueras e dels autres presonièrs politics elegits al Congrès dels Deputats espanhòl, la legitimitat de l’estat patís una revirada. Es un afar de seguir e Jornalet priorizarà las informacions qu’arriben dins aquel sens.
 
 
Victòria d’ÈRC a las municipalas e malescasuda de Valls
 
 
Quant a las eleccions municipalas, los independentistas d’Esquèrra Republicana de Catalonha (ÈRC) son la fòrça mai votada en Catalonha en emportant la majoritat de conselhs municipals. A Barcelona, ÈRC poiriá tanben ganhar lo conselh municipal après despassar amb qualques centenats de vòtes lo partit de la consolessa Ada Colau qu’an obtengut lo meteis nombre de conselhièrs municipals.
 
Quant a l’èx-primièr ministre francés, Manuel Valls, es demorat plan luènh del resultat que cercava en obtenent a l’entorn del 13% dels vòtes.
 
 
Los socialistas sèrvan lo govèrn de las illas Balearas
 
Lo Partit Socialista a ganhat tornarmai las eleccions al parlament regional de las illas Balearas, e tendrà lo govèrn de las illas. De soslinhar que se confirma la davalada del Partit Popular, qu’aviá servat longtemps lo govèrn de l’archipèla.
 
 






abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nudas las zègas a negrenuèch
3.

Catalunha es 32 108 Km² aperaqui 17% d'occitanià..

Diu me damne ! i avia pas d'eleccions dins l'exagona ?

De qué n'eissit per Occitanà ?

Se pòt una vistada de l'occitanià (Departaments, Regions, comunas )

  • 7
  • 8
Françoise Dolto Je Veux Qu On M Aime, Na !
2.

Om coneissia lo torisme sexual, existis tanben lo torisme politic. N'avem un famos, e de tria, un aparisenquit ispano-soïssa prest a tot per èsser e-le-git. Lo patetic Manolo Valls, ex-socialista, ex-parisenc, ex-francès republican, neo-drechista, neo-monarquista espanhol, neo-barcelonèsa... E ben no, Caramba, encore raté ! Al punt ont n'es li demoraria encara de s'ensajar a la politica elvetica, qu'aquel aventurièr es tanben soïssa (e oc ! ) per sa maire.

  • 10
  • 0
Papioli
1.

Mas, que ses passat en Angleterra. Ai legit quauqua part qure los pro-brexit avian laissat darrier los anti-brexit? L'om se garda plan d'en parlar.
Las eleccions apartenan enguera aus professionaus de la politica e ai pas aisat de s'i far una plaça si ses pas sostengut per la Finança. Sei pas anar votar perque avia pas de buletin de vòta per mon candidat.
A fòrça de diabolisar l'extrem-dreicha, los frances van chausir Satan per los governar. Mas, qui es Satan? Le bian o le mau? En tot cas, en politica, Satan sap plan ben se far passar per lo bian alaidonc qu'incarne lo mau.
Darrier las ideologias, los partis, i a la Finança, los que detent l'argent que vai far bascular los uns vers l'abime e los autres vers la glòria.
Lo grand absent dins aquelas eleccions es lo desbat sur la tecnologia: La tecnologia es una bona causa o una causa que vai menar, la paubretat, la transformacion de l'individu en un robòt controlar per tot un tas de puçes electronicas e que suprimaran tota autonomia e tota personalitat a l'esser uman? Que dire daus vaccins, de las ondas electromagnéticas 5G, daus comptadors Linky e tant d'autres tecnologias que son deja en gestacion?
L'òm creu se battre per l'ecolgia mas l'òm se bat per daus merchands d'una tecnologia alternativa qu'es pas mielh.
Aus occitanistes, a l'esquerra lòr dirai d'arrestar de creire au pair nadau. P'una decision vai d'una ideologia, dau pòple mas de la Finança e la Finança a totjorn 50ans d'avança sur l'ideologia.

  • 6
  • 7

Escriu un comentari sus aqueste article