Actualitats
Rocketman: Elton John al ritme de comèdia musicala
La presentacion del filme al Festenal de Canas foguèt una granda reüssida, lo filme presenta un Elton John real e sincèr
Taron Egerton o volguèt metre en evidéncia tre lo començament de la tièra d’entrevistas que cal per entamenar un filme, e declarèt sus DigitalSpy: “Nòstre filme es una comèdia musicala. Cal un actor que pòsca cantar dins lo ròtle principal. Dins un biopic, aquò es pas necessari”. L’actor, de segur, fasiá referéncia a las comparasons que començavan d’arribar entre Rocketman e Bohemian Rhapsody, après la primièra mondiala a Canas.
Lo nòu filme de Dexter Fletcher (efectivament, lo realizaire de Bohemian Rhapsody) a volgut anar un pauc mai luènh que son predecessor. Rocketman conta cossí Elton John ajonguèt la reputacion mondiala, e quinas dificultats trobèt sul camin. Mas o fa en aprigondissent fòrça mai los tèmas qu’afectèron particularament la vida de l’artista, e en fasent avançar l’istòria a travèrs de la musica que la compausava amb son melhor amic, Bernie Taupin (Jamie Bell). De soslinhar que s’agís d’un metratge que se desvolopa dins l’encastre d’una reünion dins un centre de reabilitacion, amb Elton John desguisat en diable, çò que marca ja un estil pròpri.
La distribucion la completan d’actors coma Richard Madden (Game of Thrones, The Bodyguard) o Bryce Dallas Howard (Jurassic World, Black Mirror) dins los ròtles d’èx-calinhaira de John e de maire siá, respectivament.
Lo quite Elton John trabalhèt dirèctament amb lo realizaire per ofrir al public un filme reala e subresonhat sus sa vida. Lo resultat, segur: Rocketman es un filme sincèr e dirècte. Nos apròcha de la vida del cantador d’una biais tant intim coma extravagant, en essent fisèl al personatge que totes coneissèm amb lo nom d’Elton John, mas qu’al fons amaga un pichon enfant del Reialme Unit sonat Reginald Dwight. Dins las doas oras que dura aquela particulara comèdia musicala, descobrirem cossí l’amor, la familha e los vicis afectèron la vida del cantador. Tot aquò, decorat amb de lums, de vestits extravagants, una musica qu’es venguda, en fòrça escasenças, una banda sonòra de nòstra vida e d’accions que se mimetizan amb los personatges qu’interprètan.
Rocketman sortís uèi, 29 de mai, dins las salas dels estats francés e italian. Dins l’estat espanhòl sortís deman passat, 31 de mai.
Adriana Díaz
FLETCHER, Dexter. Rocketman. Paramount Pictures, 2019. 2h01.
Lo nòu filme de Dexter Fletcher (efectivament, lo realizaire de Bohemian Rhapsody) a volgut anar un pauc mai luènh que son predecessor. Rocketman conta cossí Elton John ajonguèt la reputacion mondiala, e quinas dificultats trobèt sul camin. Mas o fa en aprigondissent fòrça mai los tèmas qu’afectèron particularament la vida de l’artista, e en fasent avançar l’istòria a travèrs de la musica que la compausava amb son melhor amic, Bernie Taupin (Jamie Bell). De soslinhar que s’agís d’un metratge que se desvolopa dins l’encastre d’una reünion dins un centre de reabilitacion, amb Elton John desguisat en diable, çò que marca ja un estil pròpri.
La distribucion la completan d’actors coma Richard Madden (Game of Thrones, The Bodyguard) o Bryce Dallas Howard (Jurassic World, Black Mirror) dins los ròtles d’èx-calinhaira de John e de maire siá, respectivament.
Lo quite Elton John trabalhèt dirèctament amb lo realizaire per ofrir al public un filme reala e subresonhat sus sa vida. Lo resultat, segur: Rocketman es un filme sincèr e dirècte. Nos apròcha de la vida del cantador d’una biais tant intim coma extravagant, en essent fisèl al personatge que totes coneissèm amb lo nom d’Elton John, mas qu’al fons amaga un pichon enfant del Reialme Unit sonat Reginald Dwight. Dins las doas oras que dura aquela particulara comèdia musicala, descobrirem cossí l’amor, la familha e los vicis afectèron la vida del cantador. Tot aquò, decorat amb de lums, de vestits extravagants, una musica qu’es venguda, en fòrça escasenças, una banda sonòra de nòstra vida e d’accions que se mimetizan amb los personatges qu’interprètan.
Rocketman sortís uèi, 29 de mai, dins las salas dels estats francés e italian. Dins l’estat espanhòl sortís deman passat, 31 de mai.
Adriana Díaz
FLETCHER, Dexter. Rocketman. Paramount Pictures, 2019. 2h01.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las chançons d'Elton John son insipidas e soporificas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari