Bandièra01 1180x150: Comuna de Tolosa

Actualitats

Pau: an festejat los 40 ans de la primièra calandreta

En 1979, se fondèt dins la capitala de Bearn la primièra escòla occitana. Ara n’i a mai de 60 escampilhadas per tota Occitània, amb 3 collègis

Festegèron dissabte passat a Pau lo 40n anniversari de la primièra escòla calandreta, fondada dins la capitala de Bearn en 1979. La festejada foguèt de las bèlas, amb un vespralh pels enfants sus la Plaça Recabòrda, d’obradors de jòcs animats pels parents e un balèti tradicional pels Menestrèrs Gascons. A mai, las celebracions comprenguèron un passacarrièra menat per la fanfarra de l’escòla La Tutalha, d’escenetas jogadas pels 175 enfants de la Calandreta Paulina, un repais en cançon, una cantèra, los concèrts d’André Minvielle e de Joan-Francès Tisnèr e un espectacle pirotecnic.
 
Las celebracions se tenguèron dins lo quartièr del Hedars, al centre vila de Pau, ont es a mand de nàisser un tèrçluòc cultural nomenat “La Ciutat” que metrà en valor la cultura occitana.
 
Aquel 40n anniversari a tanben marcat lo congrès de Calandreta que se tenguèt fa doas setmanas a Quilhan (Rasés). En 1979, naissiá a Pau la primièra escòla immersiva en lenga occitana. Ara, 40 ans pus tard, i a de calandrons de la mairala fins al bachelierat, de la pichona seccion a la terminala dins un ret de mai de seissanta escòlas esparpalhadas per tota Occitània, amb tanben 3 collègis a Pau, Tolosa e Montpelhièr.
 
Las calandretas son d’escòlas laïcas e associativas qu’an un contracte amb l’estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha e los parents se pòdon engatjar dins lo projècte fins ont voldràn. En mai d’aquò, cada calandreta a una relacion de proximitat amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts.
 
 




















 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
2.

#1
Lo FPRO, quantes divisions??
Après un an d'existéncia ne'm sembla pas que l'ODPO aja encontratua adesion populara de las granas. Donc, vóler apitar ua "organizacion de massa" de l'ODPO que'm pareish un drin hòra-sòu...

  • 5
  • 4
Julian Gannat
1.

La cultura Occitana e en grand dangèir... E preissat de s'unir pusleu se perdre en luchas lingüisticas inutilas e estèrlas...

Benlèu un comencament de solucion? E enteressant de legir aquo escrit:

http://www.nosinfo.org/index.php/rubricas/politica/item/837-tous-ensemble-construisons-le-fpro

  • 5
  • 4

Escriu un comentari sus aqueste article