Bandièra01 1180x150: Comuna de Tolosa

Actualitats

An arrestat Michel Platini, suspècte de corrupcion

Es sospechat d’èsser implicat dins la presumida corrupcion a l’atribucion del mondial de fotbòl de 2022 a Qatar

An detengut Michel Platini aqueste dimars a la demanda de la justícia francesa. L’èx-president de l’UÈFA es sospechat d’èsser implicat dins la presumida corrupcion a l’atribucion del mondial de fotbòl de 2022 a Qatar. L’èx-fotbolaire de 63 ans l’an mes en gàrdia a vista dins un comissariat de Nanterres, a la banlèga de París.
 
D’autre caire, Glaude Guéant, ancian secretari general de l’Elisi jos la presidéncia de Sarkozy, es estat audicionat jos l’estatut de “suspècte liure”, dins l’encastre de la meteissa enquèsta.
 
A la fin de 2015, la Comission d’Etica de la FIFA  decretèt la suspension per uèch ans de son president Sepp Blatter e mai de Michel Platini, qu’èra alavetz vicepresident de la FIFA e president de l’UÈFA. Se metèt en examen un pagament, fach en 2011, de 2 milions de francs soïsses a Platini per un trabalh fach entre genièr de 1999 e en junh de 2002. Segon l’enquèsta, èra un pagament “desleial” que li faguèt Blatter.
 
Lo nom de Platini apareguèt tanben suls papièrs de Panamà.
 
 
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Fred / Casols
3.

#1 Cal pas confondre lo jogaire e lo trastejaire de rèira botiga. Coma l'ancian de la FIFA que sabi pas pus son nom, lo d'ara, l'Infantino, e fòrça autres, es pas net-net lo tipe. Lo simple fach que foguèsse estat a la manòbra per banhar lo mondial als esclavagistas de Qatar es un escandal.
Ara vos manca pas qu'a defendre lo Sarkozy qu'a qualques problèas amb la justicia tanben.

  • 3
  • 0
Francesc Palma
2.

Un gran bergant que fotia quan era jugador las donas dels seus companhs. Pauca vergonha !

  • 1
  • 0
Jordi Capestanh
1.

Quina vergonha! Non pas per Platini, qui es estat alliberat sense carga fin finala, mas pel Jornalet, que ne parla pas d'aquesta liberacion, daissant creire que Platini cometèt quicòm de reprensible.

  • 0
  • 4

Escriu un comentari sus aqueste article