Actualitats
Galas: las comunas del país se mobilizan per l’independéncia
Malgrat que l’independentisme i siá totjorn estat feble, après lo Brexit es a créisser e ven de mai en mai popular
La plataforma Yes Cymru, que promòu l’independéncia de Galas, a començat una campanha per que las comunas del país apròven de mocions en favor d’un estat galés independent.
La primièra comuna d’o far foguèt Machynlleth lo 28 de mai passat. Es dins aquela vila que lo prince galés Owain ap Gruffydd establiguèt lo primièr parlament en 1404, amb l’intencion de crear un reialme independent desligat d’Anglatèrra.
Puèi l’iniciativa la jonguèron d’autras vilas coma Nefyn, Ffestiniog o Porthmadog, e la prevision es que lo movement s’espandisca dins tot lo país. E mai l’independentisme siá totjorn estat flac, ara es a créisser e èsser de mai en mai popular. De fach, lo Brexit a reviscolat lo debat sus la reünificacion d’Irlanda e las independéncias d’Escòcia e Galas.
La primièra manifestacion reüssida per l’independéncia de Galas se tenguèt l’11 de mai passat. Aperaquí 3500 personas caminèron per las carrièras de la capitala Caerdydd jos la crida d’AUOB Cymru (“Totes jos una bandièra – Galas”), un movement transversal qu’amassa totes los collectius que partejan la tòca de la sobeiranetat completa.
De soslinhar tanben lo bon resultat del partit independentista Plaid Cymru a las darrièras eleccions europèas, que superèt lo partit trabalhista. Après 94 ans d’istòria, aquel partit es vengut ara lo referent dels que desiran de demorar dins l’Union Europèa.
Lo 27 de julhet venent, es convocada una manifestacion independentista a Caernarfon, la capitala del comtat de Gwynedd, una region ont la lenga galesa es mai emplegada e ont l’independentisme a son sosten social pus naut.
La primièra comuna d’o far foguèt Machynlleth lo 28 de mai passat. Es dins aquela vila que lo prince galés Owain ap Gruffydd establiguèt lo primièr parlament en 1404, amb l’intencion de crear un reialme independent desligat d’Anglatèrra.
Puèi l’iniciativa la jonguèron d’autras vilas coma Nefyn, Ffestiniog o Porthmadog, e la prevision es que lo movement s’espandisca dins tot lo país. E mai l’independentisme siá totjorn estat flac, ara es a créisser e èsser de mai en mai popular. De fach, lo Brexit a reviscolat lo debat sus la reünificacion d’Irlanda e las independéncias d’Escòcia e Galas.
La primièra manifestacion reüssida per l’independéncia de Galas se tenguèt l’11 de mai passat. Aperaquí 3500 personas caminèron per las carrièras de la capitala Caerdydd jos la crida d’AUOB Cymru (“Totes jos una bandièra – Galas”), un movement transversal qu’amassa totes los collectius que partejan la tòca de la sobeiranetat completa.
De soslinhar tanben lo bon resultat del partit independentista Plaid Cymru a las darrièras eleccions europèas, que superèt lo partit trabalhista. Après 94 ans d’istòria, aquel partit es vengut ara lo referent dels que desiran de demorar dins l’Union Europèa.
Lo 27 de julhet venent, es convocada una manifestacion independentista a Caernarfon, la capitala del comtat de Gwynedd, una region ont la lenga galesa es mai emplegada e ont l’independentisme a son sosten social pus naut.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca a Cymru!
Cal brandussar Euròpa de totes los costats per que quite de far lo monin de las aurelhas, los uèlhs e la boca tampadas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari