Bandièra01 1180x150: Comuna de Tolosa

Actualitats

Calandreta felicita los primièrs tres calandrons qu’an passat lo bachelierat

40 ans après sa creacion, l’escòla associativa en lenga occitana ten d’escolans de la mairala fins al bachelierat, de la pichona seccion a la terminala dins un ret de mai de seissanta escòlas, 4 collègis e 1 licèu

Los primièrs tres calandrons a passar l’espròva son Gaëtan Gaillard, Guilhem Montviloff e Arthur Villaroya
Los primièrs tres calandrons a passar l’espròva son Gaëtan Gaillard, Guilhem Montviloff e Arthur Villaroya
Pel primièr còp, de “calandrons” o escolans de Calandreta son arribats al bachelierat. Los primièrs tres calandrons a passar l’espròva son Gaëtan Gaillard, Guilhem Montviloff e Arthur Villaroya. La Confederacion Calandreta a publicat un comunicat per los benastrugar. Lo comunicat tanben felicita la còla de professors, lo director Patric Albert e Amaïa Cormier la coordinatritz del licèu de los aver acompanhats fins a la reüssida. “Esperam de veire dins las annadas venentas un fum de joves sortir d'un percors complet Calandreta, bilingües, ciutadans esclairats e dobèrts sul Mond”, çò ditz lo comunicat.
 
Las calandretas son d’escòlas laïcas e associativas qu’an un contracte amb l’estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. Ara, 40 ans après sa creacion, i a de calandrons de la mairala fins al bachelierat, de la pichona seccion a la terminala dins un ret de mai de seissanta escòlas esparpalhadas per tota Occitània, amb tanben 4 collègis e 1 licèu a Pau, Tolosa e Montpelhièr.

La relacion entre los professors e las familhas es fòrça estrecha e los parents se pòdon engatjar dins lo projècte fins ont voldràn. En mai d’aquò, cada calandreta a una relacion de proximitat amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts.

 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Visca los joves valents e lests qu'an passat lo bachelierat en lenga nostra. Urrà !!!!

  • 2
  • 0
Mèfi ! 31
1.

Question
Consí es organizat l'ensnhament en classe terminala?

  • 1
  • 0

Escriu un comentari sus aqueste article