Bandièra01 1180x150: Comuna de Tolosa

Actualitats

Etiopia: dijòus venent, lo pòble sidama se proclamarà un estat

Aquela proclamacion la faràn après qu’Etiopia a pas organizat oficialament lo referendum d’independéncia que reclaman dempuèi un an e mai la Constitucion d’Etiopia ne reconesca lo drech

Las autoritats del pòble sidama proclamaràn unilateralment lor independéncia lo 18 de julhet que ven après qu’Etiopia aja pas organizat oficialament lo referendum d’independéncia que reclaman dempuèi un an
Las autoritats del pòble sidama proclamaràn unilateralment lor independéncia lo 18 de julhet que ven après qu’Etiopia aja pas organizat oficialament lo referendum d’independéncia que reclaman dempuèi un an | Oromo Press
Las autoritats del pòble sidama proclamaràn unilateralment lor independéncia lo 18 de julhet que ven, e lo nòu estat fariá partida d’una Etiopia federala, çò rapòrta Nationalia. Aquela proclamacion la faràn après qu’Etiopia a pas organizat oficialament lo referendum d’independéncia que reclaman dempuèi un an. De mençonar que la Constitucion d’Etiopia reconeis lo drech d’autodeterminacion.
 
Lo pòble sidama es compausat d’environ 4 milions de personas e ara fa partida d’una region federala nomenada Nacions, Nacionalitats e Pòbles dels Sud. En julhet de 2018, los 21 districtes d’aquela region que son dins la zòna del pòble sidama votèron en favor d’organizar un referendum per venir lo desen estat federat d’Etiopia. La Constitucion permet que cada pòble qu’o desire venga un estat federat e, se vòl, que siá independent de la federacion. Lo sistèma se nomena federalisme etnic.
 
Ça que la, lo referendum es pas estat organizat, ni per las autoritats federalas ni mai regionalas, malgrat que siá previst dempuèi un an de lo far. Ara, los dirigents sidamas afirman que se proclamaràn un estat, e d’autres pòbles de la meteissa region, coma los wolaitas, assolidan que seguiràn la draia dels sidamas.
 
Lo Crisis Group a publicat un rapòrt que recomanda a Etiopia qu’establisca de negociacions amb los sidamas del temps que recomanda a  aquestes de proclamar pas unilateralament l’estat. Aquel think tank pensa qu’una situacion complicada metriá en perilh las reformas qu’es a entamenar lo primièr ministre etiòp Abiy Ahmed.
 

 
   



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Aquí la mena d'informacion que jamai non tròbi endacòm mai que subre Jornalet. Òsca !

  • 1
  • 0

Escriu un comentari sus aqueste article