Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasEspinosa

Ròcabrun: una botiguièra denóncia un secutament racista que dura dempuèi longemps

Segon Midi Libre, aquela femna d’origina cameronesa a dobèrt un comèrci de preparacions culinàrias mas una seguida d’actes malvolents la desespèran

| Midi Libre
Lo jornal lengadocian d’expression francesa Midi Libre denóncia un cas de racisme que lo patís una botiguièra de Ròcabrun (Espinosa). Li dison Nadine Amagne e dempuèi de longs meses patís de secutaments constants dins sa botiga de preparacions culinàrias: li lançan de peisses o de fruches poirits, li onchan lo lindal amb de chocolat, pargan de veituras al ras de la pòrta...
 
Loguèt lo local, qu’es en Carrièra del Barri, a la comuna en volent aviar son comèrci, mas tota aquela tièra d’actes malvolents la desespèran, çò rapòrta Midi Libre.
 
Nadine Amagne es originària de Cameron. Quand aviá 15 ans, arribèt a Montpelhièr per i perseguir son escolaritat. Passionada per la pintura e per la tèrra, s’interèssa al safran que cultiva a Berlon. Es pas la sola femna d’origina estrangièra que patís de racisme al país. Bensai d’iniciativas coma la de Nadine, d’o far venir public dins la premsa, es un biais de far conéisser l’amplor d’aquel fenomèn social que caldriá eradicar.
 
 
 
 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Michèle Colençon-Felgerolles Rouis
12.

Se compren qu'aquesta femna es mauvenguda, malerosament. Perquò, a d'activitats que fan viure lo país. Ai ai ai... la mentalitat dals microcòsmes, banlègas o vilatges !
Se lo comunautarisme es universau e naturau, lo clanisme, el, es un comunautarisme replegat, ermetica que bandís l'Autre. Quantun que siágue.
E aicí, se podèm pas afortir a 100 % qu'aquesta dama siágue victima de racisme, aquò segur es qu'es victima dau clanisme de la comunautat locala. La planhisse questa dama. Francament.
Localament, lo monde pòdon èstre afroses, quand vos reconéisson pas dignes d'entrar dinc lo ceucle. E vènon, de còps que i a, michantasses qu'es pas de creire !

  • 5
  • 2
francesc palma
11.

Cresi que tamben podrian ser agressions d'altres comerços d'alimentacion de la competencia ? Que non tenen perquè ser atacs per motius racistas. Què mire aquesta femna si aprop del seu començ i a altres comerços de l'alimentacion ? Tamben podrian ser actes incivics protagonizats per joves que o fan per entretenir-se. De tota manera cal denonciar o a la policia.

  • 1
  • 0
Gerard Cairon Florentin d Albigés
10.

#7 Òcben! D'acòrdi!
Mas, un còp qu'avèm bramat, capejat, bracejat e petnat, que nos demòra; sèm totjorn tan colhonats!
Sabi que d'unes van dire que repapíi, aquò rai comenci de n'aver l'atge, mas enfin:
- levat se causissèm la lucha armada ( mas bon, se cal trobar d'escaisses, d'amagatòris...es complicat- tot plan vist...), e pòt virar contra-productiu....
Per que en faciá, nos fan comprene : l'occitanisme: quantes d'electors?
Es per aquò,que, me pensi , nos caldriá, al pus aviat, enlargir la nòstra basa sociala. Ai jà dich aicí,çò que ne pensavi, mas totas las idèias e accions per aquò far deuriam far l'objècte d' una reflexion aprigondida

  • 5
  • 0
Gerard Cairon Florentin d Albigés
9.

#8 Pensi pas vos de aver insolentat dins mon comentari.
Aquò dich, pensi pas que lo risc siague plan bèl de signar de son nom un comentari- tant qu'apelatz pas a la lucha armada... Pensi pas tanpauc que riscariatz vòstra vida, aquò fasent- en signant. Ai pas ausit dire que la cibla a venir de Daech seriá lo mitan occitanista!
Probable qu'aquela prudencia amaga un militantisme de cada jorn, que fasetz tindar la lenga al vòstre entorn, e que setz al davant de la còla, cada còp que s'agís de s'indignar e de manifestar contra las politicas al regard de l'occitan de nòstres poders publics.
Es pas tanpauc una question de costat politic. Fòrça comentators, aparentament de gaucha, s'estrèman tanben, sustot quand an pas que de rasonaments sens cap ni centena, e d'argumentacions fantasièirosas, que s'acontentan de s'embufar.
Tè, al juste, quines son los vòstres arguments justificant lo vòstre comentari-no 4 ?

  • 6
  • 1
Monsur
8.

#5 Perque parlar de mon "anonimitat" e èsser agressiu ? De tota mena sabetz ben que siam obligats de restar anonimes dins lo mitan Occitan se volem vertadierament exprimir lei nòstreis idèas, qu'es un mitan pauc tolerant envèrs aquelei que son pas de gaucha.

  • 6
  • 13

Escriu un comentari sus aqueste article