Bandièra01 1180x150: Comuna de Tolosa

Actualitats

Son estadas identificadas las regions cerebralas restacadas amb l’insomnia

Un nòu estudi scientific ven de confirmar que mai d’un tèrç de las personas que la patisson eiretèron aquela malautiá

L’analisi mostrèt de regions amb 57 gèns restacats amb l’insomnia e qu’èran pas associadas amb lo mòde de vida, amb lo fach de prene de cafè, amb la depression o l’estranci
L’analisi mostrèt de regions amb 57 gèns restacats amb l’insomnia e qu’èran pas associadas amb lo mòde de vida, amb lo fach de prene de cafè, amb la depression o l’estranci | Alyssa L. Miller
¡D’un 10% a un 20% de la populacion mondiala patís l’insomnia. Es una malautiá restacada dirèctament amb plusors problèmas de la santat psiquiatrica de l’èsser uman. E un nòu estudi scientific ven de confirmar que mai d’un tèrç de las personas que la patisson eiretèron aquela malautiá. Ansin, una còla de cercaires de l’Universitat d’Exeter e de l’Espital General de Massachussets identifiquèt fins a 57 nòvas regions geneticas restacadas amb l’insomnia.
 
“Es una malautiá fòrça grèva sus la planeta. Ja fa de temps que sabèm que l’insomnia es restacada amb divèrsas malautiás cronicas, çò diguèt Samuel Jones, cap d’un nòu estudi realizat per l’Universitat d’Exeter. Ara podèm confirmar que la depression e mai d’una malautiá coronària sortisson de l’insomnia permanenta”.
 
Alavetz, las nòvas regions identificadas amb aquela malautiá seràn ara la tòca de divèrses medicaments. Fins a 16 d’aquelas regions pòdon èsser tractadas amb de potingas. Assajar cossí sonhar l’insomnia tanben portarà de solucions a de malautiás del còr e a la depression.
 
L’estudi foguèt fach per una còla de cercaires en tot analisar de donadas de mai de 45 000 personas del Reialme Unit. D’aquestas fins a un 29% mostrèron de simptòmas d’insomnia que se debanavan sovent. L’analisi mostrèt de regions amb 57 gèns restacats amb l’insomnia e qu’èran pas associadas amb lo mòde de vida, amb lo fach de prene de cafè, amb la depression o l’estransi. Son de regions qu’an un ròtle dins la proteolisi (o destruccion de proteïnas) e foguèron trapadas en divèrsas zònas cerebralas mas tanben dins plusors muscles e dins la glanda de l’adrenalina.
 
 
Un estudi sus pus de 85 000 personas
 
La còla qu’analisèt aquelas donadas estudièt los simptòmas d’insomnia de pus de 47 000 volontaris. En mai d’aquò, faguèron mai de 14 000 contraròtles sus d’autres pacients e pus de 15 000 estudiants que tanplan volguèron participar a l’estudi. Aquò entraïnèt de donadas realizadas sus pus de 85 000 personas.
 
Los participants aguèron amb eles d’espleches medicals sonats  acceleromètres pendent sèt jorns. E la resulta foguèt que las regions ligadas amb l’insomnia provocavan una pèrda de l’eficàcia a l’ora de dormir. Los paramètres foguèron la qualitat del sòm, la durada del quite sòmi e las variacions que i aguèt dempuèi divèrses jorns.
 
Una tecnica d’analisi nomenada randomizacion mendeliana tanben foguèt utilizada. E la resulta foguèt clara: l’insomnia permanenta es la causa dirècta de plusors malautiás coronàrias (fins al doble qu’en de personas que patisson pas l’insomnia) en mai de divèrses simptòmas de depression e d’una sensacion marrida d’euforia. (Legissètz la seguida)



 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.






Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhabèrt de Castre Montsegur
1.

D’un 10% a un 20% de la populacion mondiala patís l’insomnia. Es una malautiá restacada dirèctament amb plusors problèmas de societat e de vida privada dins un mond que i patissèm gaireben totes de problèmas sense solucions… Es pas la pena d'incriminar unas malautiás, quinas que sián.

Se cal atacar a las causas, e non pas als efèctes. E aquí, bon coratge, al mond de la mesclanha.

  • 5
  • 0

Escriu un comentari sus aqueste article