CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 25 d'agost

Actualitats

Dimenge, 21 de julhet de 2019, 03h00 Internacional,Politica,Societat

Segon la justícia, los Païses Basses son responsables d’un 10% del genocidi d’Srebrenica

La Cort Suprèma neerlandesa a establit qu’aquel estat a aquela part precisa de responsabilitat del genocidi de 1995


Comentaris 5 comentaris    
Marrit Flac Bon Plan bon Fabulós (2 vòtes)
carregant En cargar


Segon una senténcia de la Cort Suprèma neerlandesa, los Païses Basses an lor part de responsabilitat del genocidi d’Srebrenica de 1995, çò es lo 10% d’aquela responsabilitat. Pels jutges es, doncas, una responsabilitat calculabla e minimala.
 
L’11 de julhet de 1995, durant la guèrra dels Balcans, los òmes comandats pel general Ratko Mladić entornegèron la vila d’Srebrenica, tota plena de refugiats, e i intrèron sens cap de mena d’oposicion del contingent neerlandés de Cascos Blaus de l’ÒNU. Las fòrças sèrbas i assassinèron mai de uèch mila òmes e gojats e n’expulsèron vint mila personas.
 
Per aquel masèl, lo mai grand d’Euròpa après la Segonda Guèrra Mondiala, se jutgèt al Tribunal Penal Internacional e se condemnèt per crimes de guèrra lo president de Serbia Slobodan Milošević (que moriguèt en preson en 2006), lo president dels sèrbes de Bòsnia, Radovan Karadžić, aquestes dos darrièrs coma instigators, e mai lo general Ratko Mladić, coma executor.
 
A aquel chaple s’apondèt l’abandon de la comunautat internacionala: tant per la negligéncia dels Cascos Blaus desplegats sus plaça coma per çò que lo revelèt lo jornal The Guardian: valent a dire que la casuda d’Srebrenica fasiá partida de l’estrategia del Reialme Unit, de França, dels Estats Units e quitament de l’ÒNU per obténer la patz a quin prètz que foguèsse, en liurant la vila a Mladić.
 
 
La responsabilitat neerlandesa
 
Lo jorn del masèl, lo general sèrbe Ratko Mladić se reüniguèt amb lo cap de las tropas de l’ÒNU dins la region, qu’èra lo coronèl neerlandés Thomas Karremans. Dins aquela reünion, lo militar dels Païses Basses accediguèt a totas las demandas de Mladić. D’aquel encontre s’enregistrèt d’imatges de vidèo ont se pòt veire lo coronèl Karremans a recebre de presents de Mladić, a beure d’aigardent amb el. D’aquel enregistrament, cal soslinhar los imatges dels soldats neerlandeses que dançavan e festejavan quand tornavan a l’ostal.
 
Segon lo militar dels Païses Basses, Mladić aviá capturat los soldats neerlandeses e aviá menaçat lo colonèl Thomas Karremans de lo tuar se liurava pas los 350 òmes bosnians en edat militara qu’èran dins sa casèrna. Demest las personas liuradas i aviá los traductors, los assistents, lo cònsol màger de Srebrenica e los conselhièrs municipals.
 
 
E las victimas auràn un 10% de çò que reclamavan
 
La fondacion Maires d’Srebrenica aviá fach sa denóncia contra l’estat olandés per sa presumida responsabilitat dins lo genocidi. La fondacion, que representa aperaquí 6000 personas, de parents de mond assassinats ailà, afirma que lo país saupèt pas defendre las victimas. La senténcia reclama als Païses Basses una compensacion per los parents afectats.
 
Ara, segon la justícia neerlandesa, aquela manca de coratge dels militars d’aquel país se calcula a un 10%, e es çò que recebràn los parents de las victimas: un 10% de çò que reclamavan.

 
 

 



publicitat
BANER1-2-3: DGPL DICTADES



Comentaris

24 de julhet 16.59h

#3 Es exactament çò qu'ai dit...


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de julhet 16.59h

#3 Es exactament çò qu'ai dit...


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de julhet 15.43h

#1 En òc, vaudriá mièlhs escriure "d'Esrebrenitsa" o "de Serebrenitsa".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

22 de julhet 23.45h

Es curiós perquè la guardia civil espanhola faguet una recerca de victimas e diguet que non i avia agut cap massacre, senon fossas de la guerra màxim de d'uns 10 soldatas.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

22 de julhet 00.29h

*d̶’̶S̶r̶e̶b̶r̶e̶n̶i̶c̶a > de Srebrenica — eventualament : d'Esrebrenica (dobtós pasmens)
*d̶'̶S̶t̶a̶l̶i̶n > de Stalin — eventualament : d'Estalin (dobtós pasmens)

En occitan se pausa pas jamai una elision davant una consonanta ! Non pas ?


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

La banalizacion del faissisme

Avètz entendut de paraulas coma “islamoesquerrista” o “totalitarisme verd”? O encara que se ditz “assistits” als paures e “assistanat” al sistèma ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

“Dins l'espaci occitan, l'escaufament es ben en camin”

Thierry Offre actor culturau de l’occitan e escriveire, mai pereu climatològ

“Dins l'espaci occitan, l'escaufament es ben en camin”
giny

giny

publicitat

lateral 2 teveoc

Fotografias

  • © Aure Séguier

    Carnaval Biarnés 2017

  • Estivada 2013. © Guillem Sevilla

    Estivada 2013

  • Irissa: prumèra edicion dera corsa populara de BTT

  • Besièrs. © Melanie Laupies

    Besièrs

  • © Conselh Generau d'Aran

    Lo Torn de França 2016 en Aran

  • Era còlha dera ADÒC ath trabalh

  • © Laurenç Revèst

    Nimes e preséncia d'occitan

  • © Franc Bardòu

    Catalonha etèrna

  • © Zep Armentano

    XI prèmis Gaudí de l'Acadèmia Catalana del Cinèma

  • Zep Armentano

    25au Corsa Aran per sa Lengua

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Estivada 2013. © Guillem Sevilla

    Estivada 2013

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • La Korrika, la corsa per la lenga basca es arribada a Tolosa

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Menton, 'a vivaroalpenca maritima

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • La prima en valaa de Tiniá. © Laurenç Revèst

    La prima en Tiniá

  • © Franc Bardòu

    Catalonha etèrna

  • © Franc Bardòu

    Tèrra albigesa

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

T’inquieta la situacion politica en Itàlia?


0%



100%



0%



0%



0%




Vots 1 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)