Bandièra01 1180x150: Comuna de Tolosa

Actualitats

Austràlia farà un referendum per reconéisser los aborigèns dins la Constitucion

Fins a fa gaire, l’estat gerissiá los afars restacats als aborigèns per mejan de las leis sus la flòra e la fauna

Abans tres ans, Austràlia organizarà un referendum sus la possibilitat de reconéisser constitucionalament los aborigèns. Lo ministre pels australians indigènas, Ken Wyatt, a d’efièch promés que lo referendum se fariá abans 2022. “Desvoloparai e menarai a bon tèrme un vòte sus la reconeissença constitucionala pendent lo mandat parlamentari actual”, çò a dich.
 
La Constitucion actuala fa pas cap de referéncia a la populacion indigèna d’Austràlia delà un critèri purament biologic. De fach, aguèron pas lo drech de vòte fins als ans 1960 e fa solament 9 ans que recebèron una demanda de perdon oficiala per las atrocitats que las patiguèron pendent lo periòde colonial.
 
A l’ora d’ara, i a unes 700 000 australians originaris sus una populacion totala de 23 milions d’abitants. Son victimas d’una fòrta discriminacion. De remarcar que fins a fa gaire l’estat gerissiá los afars restacats als aborigèns per mejan de las leis sus la flòra e la fauna. Los aborigèns son privats de fòrça dreches, fòrça d’eles patisson l’alcolisme, e lo percentage d’aborigèns embarrats en preson es escandalosament naut.
 
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" igualada (PP.CC.)
3.

Ja tocava! Almenys algú vol fe rels deures, aquí, gresca a trepitjar-nos, perquè som crec bons i ells dolents, sinó com s'entén el que es fan!? De fet mai els em fet res, perquè tant d'odi!? Quina amenaça representem per a ells!?
Que s'ho fessin mirar, jo ja no els entenc, es passen massa i teòricament son gent preparada...ja, ni t'ho creguis!
Visca la Terra...Lliure!
L'Ernest, "El Tàrrega".

  • 0
  • 0
francesc palma
2.

Cresi que los autèntics australians son los aborigens. Ja seria ora que los reconegessen los seus drets.

  • 3
  • 0
Franc Bardòu
1.

L'occitan e las autras lengas ditas "de France" son ara "reconeguts" per la constutcion de l'estat francés. L'efècte produït non me'n sembla espectaclós, totun… Qué ne pensatz ?

  • 4
  • 0

Escriu un comentari sus aqueste article