Actualitats
L’occitan es de mai en mai present dins los sits web de la Generalitat de Catalonha
Lo Departament de la Cultura ven d’anonciar l’incorporacion de l’aranés dins las mai de 300 paginas de son sit
La lenga occitana s’incorpòra progressivament dins los diferents sits web de la Generalitat de Catalonha, e sos rets socials. Demest los diferents sits meses en òbra en occitan d’Aran, ven de s’anonciar lo del Departament de la Cultura de la Generalitat. Al total son mai de 300 paginas web traduchas en lenga nòstra, una lenga qu’es oficiala en tota Catalonha dempuèi 2006.
La version occitana d’aquel sit arriba en seguida de la decision que la prenguèt lo govèrn de la Generalitat l’11 de març de 2019, après la primièra reünion de son conselh executiu facha en Aran. Se decidiguèt de favorizar l’usatge de la lenga occitana dins l’encastre institucional de la Generalitat e dins sos elements de comunicacion coma los diferents sits web del govèrn catalan e de sos organisme, dels autres canals d’informacions e dels rets socials.
Dins aquel sens, la Direccion Generala de la Politica Lingüistica a mes creat un compte de Twitter en lenga occitana: @occitan_aranes.
La version occitana d’aquel sit arriba en seguida de la decision que la prenguèt lo govèrn de la Generalitat l’11 de març de 2019, après la primièra reünion de son conselh executiu facha en Aran. Se decidiguèt de favorizar l’usatge de la lenga occitana dins l’encastre institucional de la Generalitat e dins sos elements de comunicacion coma los diferents sits web del govèrn catalan e de sos organisme, dels autres canals d’informacions e dels rets socials.
Dins aquel sens, la Direccion Generala de la Politica Lingüistica a mes creat un compte de Twitter en lenga occitana: @occitan_aranes.
Es ciutadans que pòden accedir d’ara enlà as contenguts deth sit web institucionau deth Departament de Cultura en aranés.
— Occitan aranés (@occitan_aranes) July 23, 2019
Liegetz en era notícia publicada #occitan en web de @llenguacatalana catalana: https://t.co/OIqJ6lsNI0pic.twitter.com/f5lp6tCU4g
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot aquest va plan mas cal contunhar amb la progression de l'emplec de l'occitan a Internet e endacòm mai... E pas sonque dins la varietat aranesa!
Es una bona causa qu'i age mai en mai de contengut escrich en occitan disponible en linha. Permet als agregadors de tèxtes de crear de basas de donadas, un exemple : lo clavièr Gboard de Google sortiguèt amb 60 lengas e l'occitan èra dedins segurament perque i a de fonts de tèxte liurament disponiblas.
Una rason de mai de traduire de logicials liures :)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari