Actualitats
Decès de Rutger Hauer, lo replicant eternal
L’actor es intrat dins l’istòria del cinèma mai que mai per son ròtle dins lo filme Blade Runner
L’actor neerlandés Rutgerus Oelsen Hauer, mai conegut coma Rutger Hauer, moriguèt lo 19 de julhet passat als 75 ans en cò sieu, als Païses Basses, a causa d’una malautiá. Mas lo decès es conegut sonque dempuèi aqueste dimècres 24 de julhet, quand l’anoncièt son representant, Steve Kenis, qu’o raportèt al moment de sas funeralhas.
L’actor es intrat dins l’istòria del cinèma mai que mai per son ròtle dins lo filme Blade Runner (Ridley Scott, 1982), ont encarnava lo replicant Roy Batty, amb un monològ fòrça conegut a la fin del filme:
Lo filme conta la mòrt del replicant, precisament en 2019.
L’actor es intrat dins l’istòria del cinèma mai que mai per son ròtle dins lo filme Blade Runner (Ridley Scott, 1982), ont encarnava lo replicant Roy Batty, amb un monològ fòrça conegut a la fin del filme:
“Ai vist tantas causas que vosautres, umans, poiriatz pas creire... de grands naviris en fuòc a sorgir de l’espatla d’Orion... Ai vist de rais fabuloses... De rais C a brilhar dins l’ombra de la pòrta de Tannhäuser... Totes aqueles moments se perdràn dins l’oblit coma... de lagremas dins la pluèja... Es ora de morir”.
Lo filme conta la mòrt del replicant, precisament en 2019.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los professors d'occitan tanben son de replicants, coma lo personatge meravilhosament incarnat pel regratat Rutgerus Oelsen Hauer. An conegut e fait descrobrir una cultura d'asuèlhs umans que los autres professors, las cravatas e los nauts foncionaris que decidisson ara de los eliminar non pòdon ni conéisser ni mai imaginar. E totun, per plan mai d'un professor d'occitan, es ora de morir, "time to die", coma dins l'extrait emblematic mes en ligam aicí…
Hmmm, a tanben jogat un ròtle fòrça interessant dins lo filme "Hobo with a Shotgun" qu'es plan mas que devi desconselhar a tot lo monde :)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari