Bandièra01 1180x150: Comuna de Tolosa

Actualitats

Almens 116 mòrts dins un dels naufragis mai tragics en Mediterranèa

132 personas an agut l’astre d’èsser salvadas vivas e remandadas en Libia, d’ont èran partidas devèrs Euròpa en cèrca d’una vida digna

| Imatge d\'archiu
Almens 116 personas serián mòrtas dins un dels naufragis mai tragics en Mediterranèa, segon çò qu’a raportat lo Naut Comissariat de las Nacions Unidas pels Refugiats (NACNUR). La tragèdia aguèt luòc dijòus passat davant las còstas de Libia. Lo pòrtavotz del NACNUR, Charlie Yaxley, raportèt “un grand naufragi” qu’i aurián subreviscut environ 150 personas de las 300 que se trobavan a bòrd de doas naus sortidas de Libia. Yaxkey avertiguèt que s’agissiá de “la pèrda mai granda de vidas en Mediterranèa aqueste an 2019”.
 
En consequéncia, lo NACNUR a exigit un “cambiament” per redreiçar la situacion. “Es urgent de salvar de vidas en mar”, çò afirmèt.
 
Los subrevivents los socorreguèron de pescadors locals abans que foguèsson remandats en Libia per los gardacòstas. Lo país viu una situacion d’instabilitat e de guèrra dempuèi 2014, una situacion que favorís la venda a l’enquant de migrants coma esclaus.

 
 
 
 
 




 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Black Blòc Joe
1.

Los mai astrucs son los 116 mòrts, negats per defugir l'infèrn. Los malastrucs subrevivents, los empachèron de crebar negats coma de cantonets dins una saca, de pescadors locals abans que foguèsson remandats en Libia per los gardacòstas que vèlhan escrupulosament subre la riquesa dels rics que, coma cadun o sap, non a cap vocacion a èsser compartida de ges de biais.

Lo país libian viu una situacion d’instabilitat e de guèrra dempuèi 2014 — moment plan comòda per se distanciar de Libia, après qu'agèsse permesa financiàriament l'eleccion d'un president de país ric situat un pauc mai al nòrd de la meteissa mar : es una situacion que favorís la venda a l’enquant de migrants coma esclaus. Los que remandan aqueles malastrucs "salvats de las aigas" encoratjan donc, per lor egoïsme europèu viceral (e neoliberal), lo mercat esclavagista.

  • 6
  • 3

Escriu un comentari sus aqueste article