Bandièra01 1180x150: Comuna de Tolosa

Actualitats

Castèudoble: taulejada de fraternitat e de convivéncia amb los migrants

Aquela comuna provençala de 462 abitants aculhís une seissanta migrants e la convivéncia s’i passa fòrt plan

Castèudoble es un vilatge provençal del país draguinhanenc que ven de demostrar que la convivéncia es possibla e mai desirabla. Aquela municipalitat de 462 abitants aculhís dempuèi un pauc mens d’un an aperaquí seissanta migrants dins un centre. D’aquel temps, l’integracion e la convivialitat son exemplaras, coma o demòstra la taulejada que partegèron lo 19 de julhet passat. Aquí, lo menjar tradicional provençal se mesclèt amb de recèptas de las divèrsas culturas africanas que i portèron los migrants dins un ambient de bonaür e de jòia, coma o mòstra un reportatge de France 3.
 

 
Durant l’an passat, Marine Le Pen, presidenta del partit d’extrèma drecha sonat Recampament Nacional, aviá vesitat Castèudoble e i trobèt sonque lo refús dels ciutadans envèrs sos prepauses antimigrants.
 

 
 
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

M as Comprès
3.

Al sicut de l'imigracion venguda del terç mond es totjorn propaganda contra propaganda. Aqui ont l'un crida a l'envasiment d'Europa per de sauvatges e ferotges barbars, l'autre s'emmeravilha neciament d'una imigracion idealizada, benvalenta e frairenala. Propaganda contra propaganda. Avem lo drech de pas pus creire a l'una qu'a l'autra.


.

  • 7
  • 0
Monsur
2.

Es ben bèu tot aquò, mai ara fau mostrar lo visatge vertadier de çò qu'es l'imigracion forçada en Euròpa, e tanben mostrar l'opinion de TOTEI lei ciutadans e pas sonque d'aquelei que son imigracionistas e militants. :)

  • 12
  • 13
Pierre Terral
1.

"Durant l’an passat, Marine Le Pen, presidenta del partit d’extrèma drecha sonat Recampament Nacional, aviá vesitat Castèudoble e i trobèt sonque lo refús dels ciutadans envèrs sos prepauses antimigrants." "dels ciutadans" o "de ciutadans" ?

https://www.lexpress.fr/actualite/politique/elections/presidentielle-2017/resultats-elections/ville-chateaudouble-83300_83038.html

https://www.lexpress.fr/actualite/politique/elections/presidentielle-2012/resultats-elections/ville-chateaudouble-83300_83038.html

Es vertat que i a encara gaireben 55% d'immigracionistas...En atendent : "Bon apetit !"

https://opinion.jornalet.com/leclercq/blog/2903/estret-dormuz-informacions-e-desbrombs

  • 11
  • 10

Escriu un comentari sus aqueste article