Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaComengeCoserans

La 32a amassada occitanocatalana del Pòrt de Salau se tendrà dimenge que ven

S'agís d'un eveniment montanhòl d’amistat e de revendicacion nacionala dels dos pòbles vesins que i participan, normalament, aperaquí quatre cents personas

| Caoc Cat
Lo 4 d'agost que ven, coma cada an e pel 32n còp, de centenats d’occitans e catalans s’amassaràn al pòrt de Salau, al limit occitanocatalan, en Coseran, a 2100 mètres d’altitud. Los participants pojaràn del costat occitan de Salau estant (Coseran), en tot marchar doas oras e mièja, e del costat catalan d’Esterri d’Àneu estant (Palhars Sobeiran) en tot caminar aperaquí 45 minutas. L’amassada es organizada pel CAÒC e per l’ASPIC, coma una escorreguda d’amistat e de revendicacion nacionala dels dos pòbles vesins.
 
Un còp al pòrt, i faràn d’actes d’afrairament amb un escambi de produches dels dos costats: de formatge, de vin, de liquors amb de ratafiat, de galetas, de chocolat, de carnsalada, etc. Tanben se i faràn de danças tradicionalas al son dels musicians pirenencs, occitans e catalans. A mai, auràn luòc, coma d’abitud, los discorses de benvenguda, las cançons e los imnes mentre que son issadas las doas bandièras.
 
L’emplaçament d’aquel pòrt es simbolic: es un camin natural entre Occitània e Catalonha qu’a servit istoricament per far de comèrci e per connectar los dos pòbles. Pendent la Guèrra d’Espanha, de milièrs de republicans i passèron sul camin de l’exili. De costuma, los occitans i pòrtan lo formatge del temps que los catalans venon amb lo vin.
 
Tanben de costuma i participan de musicians e d’elegits dels dos costats del “calhau”, e se revendica la cultura comuna occitanocatalana e las relacions transfrontalièras que deurián ligar los païses de Palhars e Coseran.
 
 
La velha
 
En mai d’aquò, la velha, lo dissabte 3 d’agost a 18h, se tendrà a l’Ecomusèu d’Esterri d’Àneu (Catalonha) una conferéncia sus l'exili palharés en França. Sus la plaça de la glèisa d'Esterri, a 21h30, i aurà un balèti occitanocatalan amb Mercè Morera e Marc Riera.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Be, som Nacions germanes, potser en un futur Confederació!? Primer ens haurem d'alliberar, cosa que fa temps que ens hi em posat, qüestió de temps!? Qui sap, potser som a prop, qui sap... I si hi fossim!?
Be, tot al seu temps, m'entres a lluitar i a guanyar!
Visca la Terra...Lliure!
L'Ernest, "El Tàrrega".

  • 0
  • 0
francesc palma
1.

Una cançoneta pels amics del CAOC e a l'amic Enric Garriga al cel sia: Bernart de Ventadorn lo torbador que solament cantet l'amor: (...1147-1170...)

Tant ai mon cor ple de joia,
tot me desnatura.
Flors blanchas,vermelh'e grogas
me par de frejura,
qu'ab lo vent et ab la pluja
me creis l'aventura
per que mos pretz mont'e poja
e mos chans melhora.
Tan ai al cor d'amor,
per que'l gel me sembla flor
e la neu verdura.

  • 2
  • 0

Escriu un comentari sus aqueste article