Bandièra01 1180x150: Comuna de Tolosa

Actualitats

D’africans ibridas

La conclusion d’aquel estudi farà cambiar l’idèa que la populacion africana èra demorada blosa e isolada. E per ansin se cal demandar se se passèt pas coma en d’autras populacions mondialas que se crosèron geneticament amb de neandertalians e denisovans
La conclusion d’aquel estudi farà cambiar l’idèa que la populacion africana èra demorada blosa e isolada. E per ansin se cal demandar se se passèt pas coma en d’autras populacions mondialas que se crosèron geneticament amb de neandertalians e denisovans | Pixabay

Après la confirmacion genetica que las populacions europèa e asiatica se crosèron geneticament (nòstra espècia) amb d’autras espècias omininas (denisovans e neandertalians), la populacion africana èra demorada coma una de las mai blosas. Mas ara un nòu estudi genetic a confirmat que tanben se crosèron dins lo passat almens amb una autra espècia ominina arcaïca escantida e fins ara desconeguda.


Se podiá imaginar, doncas, que la populacion umana d’Africa d’uèi èra pas barrejada geneticament amb d’autras espècias omininas pr’amor qu’èra pas coneguda cap d’espècia contemporanèa escantida. Mas un estudi genetic fach per una còla internacionala de cercaires sus divèrsas populacions africanas concluguèt que si qu’aviá existit una autra espècia ominina arcaïca, ara escantida, e que la populacion africana se crosèt amb ela mai d'un còp. Lors gèns son demorats fins uèi lo jorn, un fach que soslinhèt David Comas, professor d’Antropologia Biologica a l’universitat catalana Pompeu Fabra.
 
 
Un nòu scenari african
 
Los cercaires analisèron los gèns de plusors populacions africanas actualas amb de biaisses de viure e de lengas desparièras en diferents endreches del continent african. Aital, poguèron descobrir quala foguèt l’istòria generala de l’evolucion de la populacion africana, una istòria de mescla genetica.
 
“La diversitat genetica africana es estonanta e a per origina la mescla amb una populacion africana escantida, çò diguèt Oscar Lao, del Centre Nacional d’Analisis Geneticas. Foguèt una populacion arcaïca diferenta dels neandertalians o denisovans e demorèron sul continent un còp crosats geneticament amb nòstra espècia”.
 
La conclusion d’aquel estudi farà cambiar l’idèa que la populacion africana èra demorada blosa e isolada. E per ansin se cal demandar se se passèt pas coma en d’autras populacions mondialas coma l’europèa o l’asiatica, que se crosèron geneticament amb de neandertalians e denisovans. Es un vejaire nòu e lo cal estudiar amb mai de prigondor. (Legissètz la seguida)



 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.






Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Afós de Bardasòl Polinhac de Baïsa
1.

D'aFricans ibridas lol: lo grand condrechador a encara tustat. .

  • 1
  • 2

Escriu un comentari sus aqueste article