Bandièra01 1180x150: Comuna de Tolosa

Actualitats

Comtat Venaicin: los panèls en occitan restaràn

Lo Conselh Departamental de Vauclusa los jutjava illegals e los voliá retirar, mas après un braç de fèrre amb los cònsols màgers a cambiat d’opinion

| Google Maps
Los panèls del Comtat Venaicin qu’indican los noms de las comunas en occitan demoraràn. Ara lo president del Conselh Departamental de Vauclusa, Maurice Chabert, a cambiat d’opinion après lo braç de fèrre que tenguèt amb los cònsols màgers de las comunas, que defendián aqueles panèls. “Se lei comunas desiran de lei reïnstallar a quauquei mètres dau panèu oficiau en francés, pòdon. E se tenon a lei pausar just en dessota dau panèu en francés, que prengan sei responsabilitats. Es pas lo Conselh Departamentau que lei n’empedirà”, çò ditz lo darrièr comunicat de Chabert.
 
Al començament d’agost, Chabert faguèt tirar qualques panèls en occitan de l’intrada de qualques vilas e vilatges en argumentant que la lei exigís que lo nom oficial de la vila (qu’es solament sa version francizada) siá solet e e que “tot autre panèu (vilatge florit, pargue de Luberon, videosusvelhança...) siga installat sus un autre supòrt”. Mas aquela decision a trobat l’oposicion de nombroses cònsols màgers e de qualques collectius qu’aiman la lenga del país.
 
S’agís de panèls un pauc mai pichons que l’oficial que mòstran, jos lo nom oficial francizat de la vila, lo nom originari e tradicional d’aquelas comunas en provençal escriches amb la grafia de Romanilha que la divulguèt Mistral. Aqueles panèls, las autoritats departamentalas los volián levar dempuèi la fin de 2018, çò rapòrta France 3.
 
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi! 31
1.

Exemple d'elegit còsta la placa!

  • 1
  • 0

Escriu un comentari sus aqueste article