Actualitats
Baiona: an passejat lo retrach oficial de Macron a l’envèrs
Una manifestacion anticapitalista se tenguèt dissabte per criticar la cima del G7 e las politicas del president francés. La polícia detenguèt 68 personas
Baiona visquèt ièr dimenge una protèsta insolita. Mentre que los caps d’estat o de govèn de las principalas poténcias industrialas s’amassavan a Biàrritz dins la reünion del G7, un milierat de personas marchava pacificament per protestar en passejant 7 dels 128 retraches oficials d’Emmanuel Macron que lo collectiu Bizi aviá requisicionats durant la campanha “Décrochons Macron“ (Despengem Macron) iniciada en febrièr passat. Lo cortègi portava aqueles retraches a l’envèrs per simbolizar son “inaccion climatica e sociala”, çò rapòrta Mediabask.
A l’entèsta de la mobilizacion se podiá veire una bandeiròla amb lo lèma “Macron, campion del bla-bla-bla”. Alara los manifestants mostravan lor refús de l’eveniment e del fach que Macron aguèsse aculhit los autres sièis dirigents amb de mesuras de seguretat exageradas, impopularas e geinantas pels abitants de l’endrech.
A la cima del G7 lo president de França a aculhit Donald Trump (Estats Units), Boris Johnson (Reialme Unit), Angela Merkel (Alemanha), Justin Trudeau (Canadà), Shinzo Abe (Japon) e Giuseppe Conte (Itàlia).
68 detenguts a Baiona
Metretant, a Hendaia, una manifestacion espontanèa demandava la liberacion dels 68 detenguts de la jornada precedenta. D’efièch, dissabte, lo quartièr de la Petita Baiona aviá viscut una repression desmesurada. Just quand acabèt la manifestacion contra lo G7, la polícia embarrèt lo quartièr en atacar lo mond amb de gases lacrimogèns e de giscles d’aiga, en interpelant 68 personas, dont 38 son mesas an gàrdia a vista, segon la prefectura. “La polícia que tira granadas de gas e balas de goma, e que persegueish lo monde qu’ei per las carrèras, shens nada rason”, çò raportavan de manifestants occitanistas sus plaça segon Occitània Arroja. S’agissiá d’una manifestacion non autorizada per las autoritats francesas.
Los detenguts son acusats d’aver participat a de manifestacions illegalas de las tòcas violentas, d’aver d’objèctes que se poirián emplegar coma d’armas, de s’escondre la cara per èsser pas identificats e de lançar de projectils contra la polícia.
Qualques oras abans, s’èra debanada una granda manifestacion entre Hendaia e Irun que se desvolopèt sens incidents remarcables.
La contracima
Mentretant, un centenat d’organizacion politicas, de partits, de sindicats e de movements socials del Bascoat, d’Occitània e d’endacòm mai, an organizat un eveniment alternatiu a unes 30 quilomètres de Biàrritz, a Hendaia e Irun, çò es d’un costat e de l’autre de la frontièra administrativa que travèrsa lo Bascoat. Demest las organizacions participantas i a Libertat, que durant las darrièras setmanas a organizat d’eveniments a Pau per informar de la reünion del G7 e de la contracima.
L’eveniment a programat un centenat d’activitats a l’entorn de sèt aisses politics: l’anticapitalisme, l’ecologisme, lo feminisme, la descolonizacion, la democracia, lo pacifisme e l’antiimperialisme e la liura circulacion de las personas. De soslinhar la conferéncia entitolada “Dialòg entre las nacions sens estat” qu’a comptat sus la participacion de la politiciana catalana exiliada Marta Rovira, del representant d’EH Bildu Arnaldo Otegi, e del president de l’Assemblada de Corsega, Jean-Guy Talamoni, entre d’autres.
Tanben an tractat las realitats qu’i fan fàcia al quotidian los locutors de las lengas minorizadas coma los occitans, los bascos, los mapuches, los amazighs, los curds... Delà los testimoniatges, se son organizats de corses exprès per devenir poliglòta en una ora, an enregistrat un tèxt dins tot plen de lengas e an cantat de rap en totas las lengas possiblas del public.
Bona sintonia de Trump amb Johnson e guèrra comerciala a China
Dins la cima del G7, lo president dels Estats Units, Donald Trump, a afirmat que lo primièr ministre del Reialme Unit, Boris Johnson, es “l’òme ideal” per menar lo Brexit a bon tèrme e li a promés “un grand acòrdi comercial” per l’ajudar.
Trump mostrèt tanplan una bona sintonia amb Macron, “malgrat las falsas informacions”, çò diguèt en referéncia a la menaça que la faguèt Trump contra lo sector vinicòla de l’estat francés en reaccion a l’intencion del govèrn de Philippe de crear una taxa suls servicis numerics, sonada taxa GAFA.
Lo cap estatsunidenc a quitament dich que sos sòcis internacionals “respèctan la guèrra comerciala” qu’a declarat a China. “Es quicòm que deviá arribar”, çò a dich malgrat las malfisanças dels dirigents e organismes economics internacionals a causa de l’inestabilitat que la provòca aquò. Pasmens, Trump a demandat a las societats estatsunidencas que quiten China.
A l’entèsta de la mobilizacion se podiá veire una bandeiròla amb lo lèma “Macron, campion del bla-bla-bla”. Alara los manifestants mostravan lor refús de l’eveniment e del fach que Macron aguèsse aculhit los autres sièis dirigents amb de mesuras de seguretat exageradas, impopularas e geinantas pels abitants de l’endrech.
A la cima del G7 lo president de França a aculhit Donald Trump (Estats Units), Boris Johnson (Reialme Unit), Angela Merkel (Alemanha), Justin Trudeau (Canadà), Shinzo Abe (Japon) e Giuseppe Conte (Itàlia).
68 detenguts a Baiona
Metretant, a Hendaia, una manifestacion espontanèa demandava la liberacion dels 68 detenguts de la jornada precedenta. D’efièch, dissabte, lo quartièr de la Petita Baiona aviá viscut una repression desmesurada. Just quand acabèt la manifestacion contra lo G7, la polícia embarrèt lo quartièr en atacar lo mond amb de gases lacrimogèns e de giscles d’aiga, en interpelant 68 personas, dont 38 son mesas an gàrdia a vista, segon la prefectura. “La polícia que tira granadas de gas e balas de goma, e que persegueish lo monde qu’ei per las carrèras, shens nada rason”, çò raportavan de manifestants occitanistas sus plaça segon Occitània Arroja. S’agissiá d’una manifestacion non autorizada per las autoritats francesas.
Los detenguts son acusats d’aver participat a de manifestacions illegalas de las tòcas violentas, d’aver d’objèctes que se poirián emplegar coma d’armas, de s’escondre la cara per èsser pas identificats e de lançar de projectils contra la polícia.
Qualques oras abans, s’èra debanada una granda manifestacion entre Hendaia e Irun que se desvolopèt sens incidents remarcables.
La contracima
Mentretant, un centenat d’organizacion politicas, de partits, de sindicats e de movements socials del Bascoat, d’Occitània e d’endacòm mai, an organizat un eveniment alternatiu a unes 30 quilomètres de Biàrritz, a Hendaia e Irun, çò es d’un costat e de l’autre de la frontièra administrativa que travèrsa lo Bascoat. Demest las organizacions participantas i a Libertat, que durant las darrièras setmanas a organizat d’eveniments a Pau per informar de la reünion del G7 e de la contracima.
L’eveniment a programat un centenat d’activitats a l’entorn de sèt aisses politics: l’anticapitalisme, l’ecologisme, lo feminisme, la descolonizacion, la democracia, lo pacifisme e l’antiimperialisme e la liura circulacion de las personas. De soslinhar la conferéncia entitolada “Dialòg entre las nacions sens estat” qu’a comptat sus la participacion de la politiciana catalana exiliada Marta Rovira, del representant d’EH Bildu Arnaldo Otegi, e del president de l’Assemblada de Corsega, Jean-Guy Talamoni, entre d’autres.
Tanben an tractat las realitats qu’i fan fàcia al quotidian los locutors de las lengas minorizadas coma los occitans, los bascos, los mapuches, los amazighs, los curds... Delà los testimoniatges, se son organizats de corses exprès per devenir poliglòta en una ora, an enregistrat un tèxt dins tot plen de lengas e an cantat de rap en totas las lengas possiblas del public.
Bona sintonia de Trump amb Johnson e guèrra comerciala a China
Dins la cima del G7, lo president dels Estats Units, Donald Trump, a afirmat que lo primièr ministre del Reialme Unit, Boris Johnson, es “l’òme ideal” per menar lo Brexit a bon tèrme e li a promés “un grand acòrdi comercial” per l’ajudar.
Trump mostrèt tanplan una bona sintonia amb Macron, “malgrat las falsas informacions”, çò diguèt en referéncia a la menaça que la faguèt Trump contra lo sector vinicòla de l’estat francés en reaccion a l’intencion del govèrn de Philippe de crear una taxa suls servicis numerics, sonada taxa GAFA.
Lo cap estatsunidenc a quitament dich que sos sòcis internacionals “respèctan la guèrra comerciala” qu’a declarat a China. “Es quicòm que deviá arribar”, çò a dich malgrat las malfisanças dels dirigents e organismes economics internacionals a causa de l’inestabilitat que la provòca aquò. Pasmens, Trump a demandat a las societats estatsunidencas que quiten China.
Une image forte de ce #ContreG7 : Les 128 portraits de Macron décrochés en cours d'année dans les mairies sont dévoilés ici à quelques kilomètres de Biarritz pour la #MarcheDesPortraits pour dénoncer son absence de politique écologique. @AnvCop21@attac_fr@Alternatiba_pic.twitter.com/ly508dFGZJ
— Remy Buisine (@RemyBuisine) August 25, 2019
ARA MATEIX Càrregues policials a #Baiona, ús de gasos lacrimògens i canons d'aigua. #G7Biarritz#G7EZpic.twitter.com/pcP3IfFjDK
— Arran (@Arran_jovent) August 24, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo capitalisme salvatge porta moltas personas a la marginalizacion.
de còps que i a lo poder te pòt far virar lo cap https://upload.wikimedia.org/wikipedia/commons/a/ac/Retrat_de_Felip_V%C3%A9_exposat_cap_per_avall_al_Museu_de_l%27Almod%C3%AD_de_X%C3%A0tiva_per_haver_incendiat_la_ciutat_el_1707.jpg
Una bona idèa aquela del cap en bas. Aquela oligarquia pro nècia per s'imaginar que las dardenas la protegiràn del collapsus pensa amb los pès, e son representant, lo VRP de l'Elisèu, tanben.
Me sembla normal qu'un jornal se place en "espectator": servís per assabentar, abans tot. Es pas una organizacion politica.
Ren a dire; Jornalet se plaça en bon espectator, en bon samaritan qui en 1968 se boirava pas aux manifestants ni aus fòrças de l'òrdre mas anava dins las carrieras per suenhar los nafrats.
Urosadament que Libertat s'engatge un pauç mai. Los còrs, catalans, bascs i eran mai presents.
Tot vai plan en Occitania; i a ren a dire. D'alhors los occitans son dau monde que fan coma lo bon samaritan: viesan de naut la batalha. Coma los borges qu'anavan veire la guerra quand los nòrdistes daus Etats-Unis atacavan los sudistes e que los canons sudistes se vireran contre eus.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari