Bandièra01 1180x150: Comuna de Tolosa

Actualitats

Tolosa se prepara per aculhir l’estatua de Mistral

Una tièra d’eveniments importants se tendràn en omenatge al poèta de Malhana

 Sébastien Langloÿs es l'escultor qu'a facha l'estatua
Sébastien Langloÿs es l'escultor qu'a facha l'estatua
Inauguraràn dissabte que ven a Tolosa una estatua de Frederic Mistral. A l’entorn d’aquela accion, qualques eveniments rendràn omenatge al poèta provençal que portèt lo prèmi Nobel de literatura a la lenga occitana.
 
L’omenatge al poèta de Malhana començarà divendres amb un collòqui de dos jorns organizat pel Felibritge, mantenença de Gasconha-Naut Lengadòc. Lo collòqui l’aculhirà l’ostalariá Assezat lo 13 de setembre a partir de 14h e s’acabarà l’endeman davant l’inauguracion de l’estatua.
 
Lo monument se desvelarà sus las andanas de Frederic Mistral a 14h30 al son dels tamborinaires de Malhana, venguts especialament de la vila natala del fondador del Felibritge. Puèi, la comuna ofrirà un aperitiu sucrat. Seguiràn las cantadas de las divèrsas calandretas de Tolosa e puèi las Pastorèlas de Campan, los Trobadors de Comenge, l’Esclopeta de Rodés, Lei Cardelins de Malhana e Le Radelet Mondin.
 
Après totes aqueles eveniments, se desfilarà fins a la Plaça del Capitòli ont se poirà veire divèrses grops de danças tradicionalas.
 
Enfin, una velhada-concèrt entitolada “La musica e Mistral” se tendrà dins la sala Ernest Renan, al numèro 11 de la carrièra Malcosinat.
 
La mantenença del Felibritge de Gasconha-Lengadòc Naut organiza los eveniments gràcias al sosten de la region qu’a pres lo nom d’Occitània, la comuna de Tolosa, Convegéncia Occitana, lo Felibritge, las Calandretas, lo CIRDÒC e l’Universitat Joan-Jaurés.


 
Se'n parlava fa dos ans en occitan sus France 3:




 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
2.

Foguet Premi Nobel de Literatura amb una obra en lenga d'Oc e ja per açò es mereis d'aver una estatua a Tolosa. Al cap e a la fin, abans de Mitsral la lenga encara s'escrivia mai a la francesa, levat de qualques escriptors il·lustrats que veian que la grafia dels trobadors era la saventa. La reforma occitanista es la culminacion del procés de trobar la grafia mai convenienta, avian tota la raçon e encertaren.

  • 7
  • 1
Guilhèm Thomas Tolosa
1.

Lo monde se van demandar

"Mas perqué i a una estatua de Buffalo Bill sus las alèias Frederic Mistral ?"

Puèi un comitat sa va bastir per la desarabar e la remplaçar per una estatua del famós poèta provençal qu'a fondat lo felibrige etc patin cofin ...

  • 7
  • 3

Escriu un comentari sus aqueste article