Bandièra01 1180x150: Comuna de Tolosa

Actualitats

D’eradicar la pauretat en 2030 seriá possible

Un rapòrt de l’ÒNU establís un cambiament radical de modèl economic e social per que tota l’umanitat visca dins lo benèsser

D’eradicar la pauretat de la planeta es possible. Se se fasiá qualques cambiaments fondamentals e urgents, en 2030 i auriá pas pus de misèria sus la Tèrra segon un rapòrt qu’an publicat un grop de scientifics independents a la demanda de las Nacions Unidas. Per aténher lo benèsser per cadun dels 8,5 miliards d’èssers umans que comprendrà alavetz lo Mond, lo rapòrt prepausa d’efièch de cambiaments ecologics e socials.
 
Lo rapòrt es entitolat “L’avenir es ara: de sciéncia per aténher lo desvolopament duradís”, e se presentarà a la Conferéncia del Desvolopament Sostenible que se tendrà a Nòva York los 24 e 25 de setembre que venon. Lo document prepausa un plan d’accion per aténher la prosperitat economica, lo benèsser social e la proteccion de l’environament.
 
Segon lo rapòrt, lo modèl actual de desvolopament es pas brica duradís e es pas possible d’aumentar lo consum material. A mai, los progrèsses atenches dins los darrièrs decennis se poirián inversar, çò qu’empejorarián las inegalitats e damatjarián l’environament. Per eradicar la pauretat caldriá cambiar radicalament, doncas, las politicas actualas.
 
Segon aquel rapòrt, per eliminar la pauretat caldriá abans tot l’accès universal e de qualitat a l’educacion, a la santat, a las infrastructuras sanitàrias e a l’aiga. E mai caldriá repartir la noiridura, mai que mai dins un Mond ont 2 miliards de personas devon afrontar l’inseguretat alimentària, ont 820 milions patisson la malnutricion e ont 40 milions d’enfants de mens de cinc ans an de problèmas d’obesitat.
 
Lo plan tanben prevei un engatjament per las energias renovelablas, que son de mens en mens caras, e que se quite de subvencionar los combustibles fossils.

 

 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Açò ja se sap, que si es vol, los recursos umans seran suficients per alimentat a la poblacion. Mas tamben cal parlar de sobrepoblacion, de preservatius, de controlar la natalitat, d'educacion, l'alimentacion,,...

  • 3
  • 0
Pirata
1.

L'organisacion de las nacions sense estat mas totun unidas establís un cambiament radical, e donc anticapitalista, de modèl economic e social per que tota l’umanitat visca dins lo benèsser, e mai los que las culturas e lengas son actualament programmadas a la destruccion definitiva…?

  • 6
  • 0

Escriu un comentari sus aqueste article