CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 16 d'octòbre

Actualitats

Dimenge, 15 de setembre de 2019, 03h00

Lo jornalisme fa son trabalh


Comentaris 7 comentaris    
Marrit Flac Bon Plan bon Fabulós (13 vòtes)
carregant En cargar


Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc de la television de Barcelona Betevé. Aquí remarquèrem l’insuportabla marginalizacion que la patissián las classas de la lenga nòstra al licèu, coma o an denonciat aquesta setmana los escolans del licèu Pargue Imperial de Niça. En classa i aviá pas que dos escolans e lo professor. Los escolans nos contèron que lors motivacions per aver causit la matèria d’occitan èran mai que mai de profechar d’aquela escasença per conéisser una lenga e una cultura del país que patisson una repression tala que lor seriá complicat de tornar aver l’ocasion de l’aprene.
 
Coma dins totes los licèus de l’estat francés, lo dimècres de tantòst es l’ora de la retenguda. Los liceans punits devon passar qualques oras retenguts dins una sala abilitada per aquela mena de punicion. Tanben las activitats periescolaras esportivas o culturalas se debanan los dimècres de tantòst. E mai es l’ora dels corses d’occitan. Lo professor nos contava que s’un escolan es castigat, la retenguda es prioritària a respècte del cors d’occitan. N’enregistrèrem un reportatge que s’emetrà lèu sus Betevé.
 
Ongan, los corses d’occitan son un pauc mai dignes en aquel licèu. Gràcias a las demandas repetidas, a nòstra venguda per filmar al licèu lo dimècres de tantòst, als ressons, als articles dins la premsa e a las protèstas dels ensenhaires, dels escolans e de lors parents, los corses de Terminala d’occitan son en oraris de setmana normala e passan a 15 inscriches. Òsca!
 
Mentretant, los rapòrts que nos arriban de la rèsta del país son catastrofics. Siá al sud de Tolosa, siá a Niça o endacòm mai, la reforma francesa de l’educacion, dicha Lei Blanquer, sembla que vòl arribar a la cima de las politicas d’extermini que las patís las lenga e cultura nòstras dempuèi longtemps.
 
L’administracion francesa es occitanofòba. De fach, a la fobia de tot çò de non francofrancés. Ara es decidida a far tombar las qualques micalhas d’almòina que nos aviá concedidas gràcias al combat eroïc dels ensenhaires occitanofòns. Mas lo cas de Menton demòstra que podèm obténer de pichons melhoraments s’acceptam pas las injustícias. E tant que serem pas dins un estat democratic que defenda vertadièrament los dreches umans e presèrve lo drech d’existir de las personas segon la cultura originària del país, nos deurem batre sens nos arrestar. Avèm pas que de micalhas a pèrdre e fòrça a ganhar.

 

 
 



publicitat
BANER1-2-3: DGPL AN LAFONT



Comentaris

20 de setembre 11.57h

#2 "I deu aver un tèrme plan causit per o resumir tot". Justament, aquò se ditz "la glotofobia".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

19 de setembre 12.25h

#2
Per qualificar la lucha contra totes los dialèctes de França (enclauses los dialèctes franceses) menada per diferents govèrns se poiriá parlar de dialectofobia.

Quanta Petain, que foguèt president d'onor del Felibritge, fòrça de sos collaborators al govèrnament de Vichèi èran occitans, e aviá de simpatias demest los defensors de la lenga occitana.
Çò que faguèt escriure a Claude Delpla dins Histoire d'Occitanie (obratge publicat en 1979, jos la direccion de Robèrt Lafont ... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

16 de setembre 20.07h

#1
Mai clara encara, la formula es: "Comment peut-on ne pas être français?"
Avètz rason. E malgrat lor imperialisme son fòrça complexats. A! Cossí remènan la coa quand un una personalitat estrangièra mediatica condescendís a barbotejar un « Bonjour ! » o un « Vive la Frons ! »


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

16 de setembre 19.30h

#3 Un òme azerti ne val dos!


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

16 de setembre 17.07h

#2 c̶o̶r̶s̶e̶g̶o̶f̶ò̶b̶a > corsofòba
«Corsega» es lo nom del país.
«còrse-a/còrso-a» es l'adjectiu, lo nom de la lenga o dels abitans.

Pasmens, soi plan d'acòrdi ambe ton comentari.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

15 de setembre 18.26h

L’administracion francesa es occitanofòba ? Vertat es. Mas es tanben catalanofòba, bascofòba, corsegofòba, bretonofòba, arpitanofòba… I deu aver un tèrme plan causit per o resumir tot. L'administracion francesa crei a la superioritat ontica indiscutibla e inalienabla devant la lei e la constitucion de tot çò qu'es francés, e a l'inferioritat ontica de tot çò qu'es pas francés a l'interior de son fotut exagòn : se deu donc dire qu'es XENOFÒBA, es a dire RACISTA, ni mai, ni men... Legir mai


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

15 de setembre 09.47h

Per la cultura francèsa tot ço qu'es pas francès es sospièch. Es lo famos "comment ne peut-on être français ? " Aquel universalism a la francèsa qu'es ni mai ni mens qu'un etnocentrisme parisenc totalitari.


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 10
  • sol Aush 8
  • sol Bordèu 10
  • sol Briançon 6
  • sol Caors 10
  • sol Carcassona 7
  • sol Clarmont-Ferrand 10
  • sol Confolent 7
  • sol Gap 4
  • sol La Canau 10
  • sol La Gàrdia 16
  • sol Limòtges 10
  • sol Lo Borg Sant Dalmatz 9
  • sol Lo Puèi de Velai 7
  • sol Marselha 11
  • sol Montpelhièr 9
  • sol Naut Aran 7
  • sol Niça 13
  • sol Nimes 8
  • sol Pau 10
  • sol Peireguers 10
  • sol Rodés 9
  • sol Tolon 11
  • sol Tolosa 8
  • sol Valença 6

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Exposicion temporària sus Robèrt Lafont al CIRDOC (D.R.)

  • © Laurenç Revèst

    Cavairac (Costièra de Nimes)

  • © AR

    Vila d'Usès e lo pont de Gardon

  • © Asalaís Moniguet

    Montpelhièr la lengadociana

  • Exposicion temporària sus Robèrt Lafont al CIRDOC (D.R.)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Las Cevènas, Barjac en Val de Cese

  • © Laurenç Revèst

    Menton, 'a vivaroalpenca maritima

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • País de Rasés. © Franc Bardòu

    País de Rasés

  • Presèpi de granda talha denant 'a gleia Sant Miquel d'A Torbia (Gavotina maritima)  © Alban Franco

    Concors de Nadal de Jornalet: Cossí se passan las Calendas en cò vòstre?

  • Estivada 2013. © Guillem Sevilla

    Estivada 2013

  • © Laurenç Revèst

    Fòrt Maginòt de Sant Anhe

  • Conferéncia de Yan Lespoux sus las relacions occitanocatalanas en Malhòrca (11.05.2017)

  • Fèsta occitana a Barcelona, a l'ocasion del cinquen anniversari de Jornalet

  • © Franc Bardòu

    Catalonha etèrna

  • Asuèlhs comengeses. © Franc Bardòu

    Asuèlhs Comengeses

  • © Laurenç Revèst

    Lengue a Mentan

  • País de Rasés. © Franc Bardòu

    País de Rasés

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)