Bandièra01 1180x150: Comuna de Tolosa

Actualitats

Dijòus que ven, serem a Carcassona

Vesitarem l’Ostal Sirventés per i presentar nòstre trabalh jornalistic, nòstra revista en papièr e los plans de las publicacions per l’an 2020

Dijòus venent, serem a Carcassona, e divendres a Tolosa. La còla de Jornalet vesitarem l’Ostal Sirventés dijòus que ven, 19 de setembre, a 18h30 dins l’encastre dels quatre Dijòus-Escritura que los organiza d’Institut d’Estudis Occitans. Aquí, al numèro 79 de la Trivala, presentarem nòstre trabalh jornalistic, nòstra revista en papièr e los plans de las publicacions per l’an 2020.
 
 
E divendres a Tolosa
 
L’endeman divendres, 20 de setembre, volèm anar fins a Tolosa e vesitar los estanquets, botigas e centres culturals occitanofòns de la Ciutat Mondina. De ser, rescontrarem a La Topina lo ganhant del concors de la Minutina d’ongan, Pèire Tommasi, e lo felicitarem per sa reüssida.
 
Pendent aquel petit sojorn pel país, voldriam ben rescontrar de mond per lor donar qualques exemplars de la revista de Jornalet en papièr, per que las fagan virar a divèrses endreches del país.

 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Miqueu Pujol
4.

enviat !!!!

  • 1
  • 1
Miqueu Pujol
3.

Que'n aprofietaratz, segur, enà ensenhar coma no difusar fauças novèlas coma de preténde qu'eth attentat deras Ramblas èra un complòt deth govèrn de Madrid !Mantuns còps qu'ac disi, james no responetz !

  • 0
  • 3
Pitaluga
2.

Planvengut a Carcassona, Jornalet!

  • 3
  • 0
francesc palma
1.

Se podets mostrar lo nombre premier de la revista per aquestas paginas, podrem aver una idea melhor.

  • 3
  • 0

Escriu un comentari sus aqueste article