Bandièra01 1180x150: Comuna de Tolosa

Actualitats

La Cort de Justícia de l’Union Europèa refusa l’extradicion de Valtònyc

Espanha demanda l’extradicion del rapaire malhorquin per un delicte d’enaurament del terrorisme. L’avocat de la CE dona rason a l’artista

La Comission Europèa (CE) considerèt, ièr diluns, qu'Espanha podiá pas reclamar l’extradicion del cantador malhorquin de rap, Josep Miquel Arenas, de nom d’artista Valtònyc, mai que mai s’o fa amb un còde penal posterior als faches pels quals foguèt condemnat. Lo rapaire es en exili en Belgica dempuèi lo mes de mai de 2018 après que la justícia espanhòla lo condemnèt a tres ans e mièg de preson per las paraulas de sas cançons. Segon la sesilha que se tenguèt ièr a la Cort de Justícia de l’Union Europèa a Luxemborg, la CE sostenguèt los arguments de la defensa del cantador en defendent que l’estat espanhòl aviá pas establit corrèctament lo mandat d’arrest europèu. Per contra, Espanha e lo ministèri public bèlga defendèron que lo còde penal que caliá prene en compte es lo qu’èra en vigor al moment d’emetre lo mandat. L’avocat de la cort europèa dirà sas conclusions lo 26 de novembre que ven.
 
Dins un messatge publicat sus Twitter, Valtònyc afortiguèt qu’aviá una bona impression a la sortida de la cort. E mai son avocat, Simon Bekaert, diguèt que se fisava de la decision del tribunal de Gant que dirà son darrièr mot en decembre.
 
Espanha aviá demandat l’extradicion automatica del rapaire per un delicte d’enaurament del terrorisme pr’amor de las paraulas d’una cançon contra lo rei emerit, Joan Carles Ir. Mas, segon la legislacion europèa, aquela sòrta d’extradicion es solament permesa per de crimes punits dins l’estat en question amb almens tres ans de preson. Valtònyc lo condemnèron a dos ans de preson segon la lei espanhòla de 2012, mas quand se depausèt lo mandat d’arrèst europèu, lo còde penal aviá aumentat la pena per aquel delicte après la reforma facha en 2015. Ara, los jutges demandan a Luxemborg quina es la donada que cal prene en compte.
 
 
 
 
 
 


 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Abram Auvèrnha
3.

Aquò es de pas creire tant de rafús per tres simplas chançons de rap !!!
La justiça espanhòla contunha virar fascista e quelh rapaire engatjat ten tota ma solidaritat !

No al Borbó → https://youtu.be/u7DVBcSTg_E/valtonyc

  • 4
  • 0
Pitaluga
2.

A! I a encara de democratas que vèlhan en Euròpa.
Pas en França en tot cas, que vòlon pas de Snowden (una vergonha pel païs autoproclamat dels dreches de l'òme), e liurará als jaulièrs de Madrid lo President de Catalonha se veniá nos far visita.

  • 9
  • 0
francesc palma
1.

Una bona noticia per la democràcia, lo fachisme torna a perdre en Europa. Urrà !!!!!!

  • 2
  • 0

Escriu un comentari sus aqueste article