Bandièra01 1180x150: Comuna de Tolosa

Actualitats

Montpelhièr: jornadas d’estudis dels doctorands del laboratòri LLACS

Lo tèma causit ongan es lo rire, un tèma que permet a cadun de presentar una facieta de la recèrca e de tractar d’aquò dins las diferentas tematicas e territòris

Los occitanistas de l’Universitat Pau Valèri de Montpelhièr comprenon l’ora d’ara un desenat de doctorants que trabalhan en lingüistica, literatura, edicion numerica e civilizacion. Aquest an, quatre d’entre eles participan a las jornadas d’estudis organizadas pels doctorands per tal de donar l’escasença de presentar lors subjèctes de tèsi e de se rescontrar, divendres 11 e dissabte 12 d’octòbre, Sala dels Collòquis 1, sit Sant Carles a Montpelhièr. Lo tèma causit ongan es lo rire, un tèma que permet a cadun de presentar una facieta de la recèrca e de tractar d’aquò dins las diferentas tematicas e territòris.
 
Perque lo laboratòri LLACS es una mena de vària, que trabalha sus de territòris coma Espanha, Itàlia, Grècia, Portugal, l’Orient, China… E Occitània. Ansin, per çò que pertòcaa l’occitan: Fabienne Garnerin parlarà de l’umor en Joan Ganhaire, Noémie Eyraud presentarà qualques remarcas sus l’emplec de l’umor en los autors suls quals a trabalhat per una edicion numerica, e Alice Champollion e Christian Dorques presentaràn una comunicacion "en agach" sus l’emplec de l’umor e mai que mai de l’ironia en cò dels pescadors occitanofòns.
 
Los doctorands son tanben convidats a participar a un debat-aperitiu sul tèma “Doctorands, un curiós estatut?”, lo divendres de ser. L’escasença d’escambiar sus la posicion e lo ròtle, pas totjorn clar e aisit, dels doctorands dins un laboratòri de sciéncias umanas en plen mitan d’un procès de liberalizacion de l’universitat. Doctorands, joves cercaires, de mancar pas!
 
De vesitar lo sit web de LLACS.
 
 
 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pedrito Pablo Cadaques
6.

Exelenta iniciativa dels jovens de l'universitat que balançan amb l'imobilisme e la mediocritat tradicionala.

  • 6
  • 5
Pedrito Pablo Cadaques
5.

Exelenta iniciativa dels jovens de l'universitat que balançan amb l'imobilisme e la mediocritat tradicionala.

  • 4
  • 6
francesc palma
4.

Lo poster de la portada mostra un tipe com a minim desagradable que non fa ges ganas de riure. Per mi que pareis l'esperit dels banquiers qu' a aconselhat a Pedrito per que non negocias amb Pablo.

  • 2
  • 7
Clemenceau París
3.

#1 Los de l'Universitat de Montpelhièr son marrits, trabalhan per elis -an pas qu'un pecic d'estudiants- plan lonh dau pòble, tròban pas que d'andronas criptocomunistas e lo pòble vòta Le Pen e Menard.

  • 7
  • 3
Franc Bardòu
2.

#1 E los de Tolosa, de Bordèu, de Marselha o de Niça, per qui trabalhan ? Question plan interessanta, non ?

  • 11
  • 6

Escriu un comentari sus aqueste article