Lo conselh regional d’Aquitània adoptèt diluns passat una mocion de sosten a Aurore Martin, extradida en Espanha en compliment d’un mandat d’arrèst europèu.
“Lo conselh regional d’Aquitània planh la decision d’extradir una de sas ciutadanas, acusada d’aver participat en Espanha a de manifestacions publicas, e s’interròga sus lo fondament de l’aplicacion del mandat d’arrèst europèu”, çò ditz lo tèxt transmés a l’AFP.
Aquela mocion foguèt adoptada pels elegits del Partit Socialista (PS), del Partit Radical d’Esquèrra (PRG), d’Euròpa Ecologia-Los Verds (EELV) e pels centristas de Fòrça Aquitània.
Aqueles elegits an demandat a las autoritats espanhòlas una “particulara cleméncia”, en remarcant que los faches retraches a Martin son “ancians” e que concernisson “l’activitat politica qu’ela realizava en França e en Espanha”, al delà cal prene en compte lo contèxt actual de reconciliacion al Bascoat après l’abandon de la lucha armada per l’organizacion ÈTA.
Martin, de 33 ans, èra recercada dempuèi julhet de 2009 per un mandat d’arrèst europèu emés per un jutge de Madrid, que foguèt renovelat en 2010. L’Estat espanhòl l’acusa de “participacion a una organizacion terrorista e de terrorisme”, per aver participat en Espanha a de reünions publicas coma sòcia de Batasuna, partit illegalizat en Espanha mas non pas en França.
E mai se son activitat politica es legala dins l’Estat francés, lo ministre de l’Interior, Manuel Valls, faguèt aplicar lo mandat d’arrèst europèu a aquela militanta politica de ciutadaniá francesa, en rason de son activitat politica. Las reaccions dins lo Bascoat foguèron nombrosas.
Lo 1r de decembre, lo conselh general del departament dels Pirenèus Atlantics (Bearn, Bas Ador e Bascoat Nòrd) aviá ja apelat l’Union Europèa per trobar una solucion a aquela “situacion d’injustícia”.
“Lo conselh regional d’Aquitània planh la decision d’extradir una de sas ciutadanas, acusada d’aver participat en Espanha a de manifestacions publicas, e s’interròga sus lo fondament de l’aplicacion del mandat d’arrèst europèu”, çò ditz lo tèxt transmés a l’AFP.
Aquela mocion foguèt adoptada pels elegits del Partit Socialista (PS), del Partit Radical d’Esquèrra (PRG), d’Euròpa Ecologia-Los Verds (EELV) e pels centristas de Fòrça Aquitània.
Aqueles elegits an demandat a las autoritats espanhòlas una “particulara cleméncia”, en remarcant que los faches retraches a Martin son “ancians” e que concernisson “l’activitat politica qu’ela realizava en França e en Espanha”, al delà cal prene en compte lo contèxt actual de reconciliacion al Bascoat après l’abandon de la lucha armada per l’organizacion ÈTA.
Martin, de 33 ans, èra recercada dempuèi julhet de 2009 per un mandat d’arrèst europèu emés per un jutge de Madrid, que foguèt renovelat en 2010. L’Estat espanhòl l’acusa de “participacion a una organizacion terrorista e de terrorisme”, per aver participat en Espanha a de reünions publicas coma sòcia de Batasuna, partit illegalizat en Espanha mas non pas en França.
E mai se son activitat politica es legala dins l’Estat francés, lo ministre de l’Interior, Manuel Valls, faguèt aplicar lo mandat d’arrèst europèu a aquela militanta politica de ciutadaniá francesa, en rason de son activitat politica. Las reaccions dins lo Bascoat foguèron nombrosas.
Lo 1r de decembre, lo conselh general del departament dels Pirenèus Atlantics (Bearn, Bas Ador e Bascoat Nòrd) aviá ja apelat l’Union Europèa per trobar una solucion a aquela “situacion d’injustícia”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
increïble de veire qu'en França existe alora lo crimi d'opinion... Fa un brave moment que los lumes franceses s'an amurcit, n'avem confirmacion aüra !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari