Bandièra01 1180x150: Comuna de Tolosa

Actualitats

Euròpa a lançat una procedura d’infraccion contra França per non protegir l’ors dins los Pirenèus occidentals

| Frédéric Salein

La Comission Europèa a acusat l’Estat francés de mancar la proteccion de divèrsas espècias d’animals, mai que mai per rapòrt al nuclèu d’orses que i a dins los Pirenèus occidentals, ont l’espècia es en perilh d’extincion, e cap d’esfòrç s’es pas fach.


L’Estat francés recebèt en decembre passat una letra de somacion, e dins los meses avenidors, lo govèrn de la Republica es obligat de far quicòm se vòl pas que l’afar passe als tribunals.
 
La denóncia ven de divèrsas associacions dels estats espanhòl e francés qu’avián condemnat la passivitat dels govèrns e l’incompliment dels engatjaments per rapòrt al plan de restauracion e conservacion dels orses de 2006 a 2009.
 
Segon las organizacions ecologistas, l’adaptacion e reproduccion dels cinc exemplars d’orses, introdusits dins los Pirenèus centrals en aquela epòca, se pòrta pro plan en Coseran, Comenge, Val d’Aran e Bigòrra. Per contra, en Bearn, s’es pas res fach per n’evitar la pèrda definitiva e, a l’ora d’ara, sonque i a dos mascles: Neré e Canelito.
 
En julhet de 2010, lo ministre de l’Ecologia avertiguèt de las possiblas consequéncias: “se respectam pas las nòstras obligacions europèas, es pas solament una multa que l’Estat aurà de pagar. Se veiràn menaçats totes los fonzes europèus destinats als Pirenèus”, çò diguèt.
 
La reïntroduccion de l’ors dins los Pirenèus es tostemps estat un tèma polemic. Las populacions localas planhon sovent d’èsser pas estadas consultadas.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Roergaton La Vila
3.

Bodon diguèt un jorn per una conferéncia "sèm totes de vacas d'Aubrac".
Ara diriá segurament : "Sèm totes d'orses dels Pirenèus !".

  • 0
  • 0
Orsalhier Orsiera
2.

Òc, sembla ben que sieie la solucion, chal parlar de "l'orsisacion" de la lenga occitana ! Belèu atirarem l'atencion sus la realitat pietadosa aicí...

  • 0
  • 0
D'Artanhan Artanh
1.

E Euròpa, se preocuparà de l'avenir de l'occitan qu'es en perilh en França, ò cal que los orses se metèsson a parlar occitan tantben per que reagiguèsson ?

  • 4
  • 0

Escriu un comentari sus aqueste article