Lo temps èra pas al bèl, mas se joguèt al rugbi pel compte del Campionat Elèit de XIII.
Limós poguèt pas reçaupre los angleses de Sheffield sul tarrenc.
L’equipa de Super-Liga dels London Broncòs agèt cap de dificultats per marcar 6 ensags e ganhar 34-0 facia al Tolosa Olimpic abans de prene lo camin de Perpinhan ont jogaràn aqueste dimècres a Brutus (19h,) la sola partida de preparacion dels Dracs catalans abans la represa de la competicion a començament de febrièr.
Dissabte, dins la batèsta entre primièr e darrièr, Pià s’impausèt aisidament contra Lescura: 64 a 6.
Carcassona recebiá una equipa d’Avinhon que fins ara aviá tot ganhat al defòra. Se los locals dobrissián la marca sus penalitat, Avinhon utilizava lo jòc al pè per metre en dificultat la defensa carcassonesa. Sus una marrida recepcion d’una candèla, lo centre Andreucetti marcava e Arnaud, lo mesclanha, transformava. L’arrièr Guiraud tornava las equipas a egalitat a 6-6. Mas Arnaud ajustava una penalitat e un tombat abans la pausa: 9-6 pels vesitaires. A la represa, Carcassona atacava mas los Provençals resitissián. Los esperits s’escalfavan a l’ora de jòc: un roge e un jaune costat Avinhon, un jaune costat Carcassona. L’ASC profitava de la superioritat numerica per marcar dos còps (Anderson e Barrau) e, amb una transformacion de Guiraud, per menar 16-9. Mas Avinhon voliá pas plegar: l’alièr Liguro raubava una pauma als 50 mètres e filava a l’ensag. Arnaud transformava. Los vesitaires èran a un punt, mas a la còrna, Anderson marcava un segond ensag que Guiraud transformava: 22-15 al final.
Dimenge, al Molin, Lesinhan, aprèp sus lor pelena una desfaita fàcia a Avinhon e l’eliminacion en Copa per Limós, recebiá los Dragonets. Mas l’ora de la revòlta sonèt pas. Los catalans prenguèron de vitessa la còlha empruntada de Corbièras e marquèron tres ensags dins lo primièr temps. Piquemal puntèt pels Verd e Blancs just a la còrna: 14-4. La partida s’equilibrèt a la represa. Mas, coma una illustracion de la partida, a l’ora de jòc, lo mesclanha Wyn recuperèt lo balon dins son en-but, volguèt relançar, tombèt l’oval e Scimone agèt qu’a pausar las mans sus la pauma al pè dels pals. La messa èra dita! Fin finala, los Catalans passèron 6 còps dins la partida per ganhar 31-10 e daissar Lesinhan amb una palancada de questions e de dobtes.
Divendres, a 18h, Carcassona reçauprà la formacion anglesa de Whitehaven.
Una sola partida es al calendièr d’una jornada de ratrapatge en campionat: Tolosa reçauprà Vilanòva (dissabte 18h,a ls Minimes).
Per la dimenjada dels 9 e 10 de febrièr, lo tiratge al sòrt dels 1/4 de Copa a previst los afrontaments: Vilafranca de Roergue-Carcassona; Realmont-Avinhon; Tolosa-Lescura; Dragonets-Limós. Aquò promet!
Alan Roch
Limós poguèt pas reçaupre los angleses de Sheffield sul tarrenc.
L’equipa de Super-Liga dels London Broncòs agèt cap de dificultats per marcar 6 ensags e ganhar 34-0 facia al Tolosa Olimpic abans de prene lo camin de Perpinhan ont jogaràn aqueste dimècres a Brutus (19h,) la sola partida de preparacion dels Dracs catalans abans la represa de la competicion a començament de febrièr.
Dissabte, dins la batèsta entre primièr e darrièr, Pià s’impausèt aisidament contra Lescura: 64 a 6.
Carcassona recebiá una equipa d’Avinhon que fins ara aviá tot ganhat al defòra. Se los locals dobrissián la marca sus penalitat, Avinhon utilizava lo jòc al pè per metre en dificultat la defensa carcassonesa. Sus una marrida recepcion d’una candèla, lo centre Andreucetti marcava e Arnaud, lo mesclanha, transformava. L’arrièr Guiraud tornava las equipas a egalitat a 6-6. Mas Arnaud ajustava una penalitat e un tombat abans la pausa: 9-6 pels vesitaires. A la represa, Carcassona atacava mas los Provençals resitissián. Los esperits s’escalfavan a l’ora de jòc: un roge e un jaune costat Avinhon, un jaune costat Carcassona. L’ASC profitava de la superioritat numerica per marcar dos còps (Anderson e Barrau) e, amb una transformacion de Guiraud, per menar 16-9. Mas Avinhon voliá pas plegar: l’alièr Liguro raubava una pauma als 50 mètres e filava a l’ensag. Arnaud transformava. Los vesitaires èran a un punt, mas a la còrna, Anderson marcava un segond ensag que Guiraud transformava: 22-15 al final.
Dimenge, al Molin, Lesinhan, aprèp sus lor pelena una desfaita fàcia a Avinhon e l’eliminacion en Copa per Limós, recebiá los Dragonets. Mas l’ora de la revòlta sonèt pas. Los catalans prenguèron de vitessa la còlha empruntada de Corbièras e marquèron tres ensags dins lo primièr temps. Piquemal puntèt pels Verd e Blancs just a la còrna: 14-4. La partida s’equilibrèt a la represa. Mas, coma una illustracion de la partida, a l’ora de jòc, lo mesclanha Wyn recuperèt lo balon dins son en-but, volguèt relançar, tombèt l’oval e Scimone agèt qu’a pausar las mans sus la pauma al pè dels pals. La messa èra dita! Fin finala, los Catalans passèron 6 còps dins la partida per ganhar 31-10 e daissar Lesinhan amb una palancada de questions e de dobtes.
Divendres, a 18h, Carcassona reçauprà la formacion anglesa de Whitehaven.
Una sola partida es al calendièr d’una jornada de ratrapatge en campionat: Tolosa reçauprà Vilanòva (dissabte 18h,a ls Minimes).
Per la dimenjada dels 9 e 10 de febrièr, lo tiratge al sòrt dels 1/4 de Copa a previst los afrontaments: Vilafranca de Roergue-Carcassona; Realmont-Avinhon; Tolosa-Lescura; Dragonets-Limós. Aquò promet!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
http://ampelofolies.over-blog.com/article-la-presidente-des-ampelofolies-donne-le-coup-d-envoi-asc-avignon-114626258.html
Per balhar fòrças als Lesinhaneses, la fotografia representa una partida FCL-Pià.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari