CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 25 d'agost

Actualitats

Divendres, 1 de febrièr de 2013, 03h00 Internacional

Eth govèrn espanhòu en un escandal de corrupcion

Eth jornau espanhòu El País qu’a publicat documents que mòstren eth pagament de gratificacions a dirigents e a èx-dirigents deth Partit Popular


Comentaris 3 comentaris    
Marrit Flac Bon Plan bon Fabulós (2 vòtes)
carregant En cargar


Dempús dera crisi provocada per escandal de corrupcion en Partit Popular (PP), segontes uns documents publicadi ager peth jornau El País, eth president espanhòu Mariano Rajoy a convocat ua reünion extraordinària des dirigents deth partit entà deman dissabte. Mentretant milèrs de persones manifestauen ager de ser deuant des sedences deth PP de diuèrses ciutats der Estat espanhòu en tot demanar era dimission deth govèrn.


Manifestacion en Madrid dauant era sedença deth Partit Popular
© @salvemostelema





Etiquetas
bárcenas, corrupcion, espanha, pp, rajoy

Es dirigents deth PP qu’an tostemp negat qu’auessen crubat gratificacions en nere, mès agèr eth jornau espanhòu El País que publiquèc documents dera comptabilitat intèrna que gerien es èx-clavaires deth partit, Luís Bárcenas e Álvaro Lapuerta. Segontes aqueri documents publicadi, i a de pagaments periodics en nere tà toti es dirigents deth partit, tanben tar actuau president deth govèrn espanhòu, Mariano Rajoy, e tara secretària generau deth PP, María Dolores de Cospedal.
 
Segontes aqueres informacions, aquera comptabilitat secrèta serie estructurada en tres seccions: era prumèra, des aportacions de sòs que bèri empresaris hègen ath PP en concèpte de dons, damb era data dera aportacion, era origina e era quantitat; era dusau, dera gessuda de sòs, de pagaments, damb era data, era quantitat e eth destinatari; e era tresau seccion, eth resultat restant des movements de sòs.
 
Cada an, ua part des sòs arrecebudi se reservaue entà entrar-la en Banca de Vitòria, qu’en 2003 e siguec absorbida per Banesto. Totun, solament se n’i entraue ua part. Alavetz, s’era rèsta de dons non se declarèc jamès, be s’agirie d’un cas de finançament irregular deth PP.
 
Ath delà des pagaments a Rajoy e a Cospedal, tanben cònsten quauqui pagaments a dirigents coma Rodrigo Rato e Jaime Mayor Oreja pendent es ans que sigueren vicesecretaris deth partit, autant coma as secretaris generaus Francisco Álvarez-Cascos, Javier Arenas e Ángel Acebes.
 
Rajoy qu’ei en aqueres nòtes a compdar der an 1997 e enquia 2008, damb pagaments semestraus de 2 100 000 pessetes, o trimestraus de pòc mès d’un milion de pessetes. E a compdar der an 2002 passen a èster de 12 600 èuros semestraus o 6300 trimestraus; ei a díder, 25 200 èuros per an.
 
Rato crubaue 6850 èuros trimestraus, mès es pagaments mès gròssi anauen tà Javier Arenas e tà Álvarez-Cascos: 9 900 èuros trimestraus. María Dolores de Cospedal foguèt dos viatges gratificada, dus trimèstres a 7500 èuros cadun.
 
Hè pòques setmanes que se publiquèc que Bárcenas, er èx-clavaire deth partit, e auie pagat gratificacions a dirigents deth partit en nere, çò qu’es dirigents deth PP an tostemp negat.
 
Era comptabilitat que gerie Bárcenas non rebat cap es sòs qu’eth partit e arrecebie der estat laguens eth finançament public des partits. Aquera comptabilitat sonque mòstre es dons privats d’enterpreneires e companhies de construccion. Ei eth cas de Luis del Rivero, que paguèc 120 000 èuros en 2004, quan ère vicepresident de Sacyr Vallehermoso, e 260 000 èuros en 2006, quan ja n’ère president. Tanben i a tres entrades de Juan Miguel Villar Mir, president de OHL, de 100 000, 180 000 e 250 000 èuros en 2004, 2006 e 2008.
 
Mès dons: eth de José Mayor Oreja, president de FCC Construcción –e frair der èx-ministre– que paguèc 90 000 èuros e 75 000 èuros en dus pagaments en 2008. E Mercadona, ua des cadies mès granes de supermercats, i é marcada en tot hèr dus pagaments, en 2004 e en 2008, de 90 000 èuros e 150 000.
 
Segontes El País, toti an negat –maugrat era informacion documentau– auer hèt cap de don ath Partit Popular.
 
Entre es donadors, i cònsten tres acusadi en ahèr Gürtel. Pablo Crespo, ex-numèro dus deth hilat corruptiu, que paguèc, en mai de 1999, 21 milions de pessetes; Alfonso García Pozuelo, proprietari de La Constructora Hispánica, que hec sies pagaments d’entre 18 000 e 30 000 èuros; e Juan Cotino, dera enterpresa Sedesa, que paguèc 200 000 èuros en 2004.
 
 
 
 
FM/V



publicitat
BANER1-2-3: DGPL DICTADES



Comentaris

2 de febrièr 11.15h

#1 Cresi qu'en França tanben, mès la premsa ei mei discrèta sus aquò.
Ierarquia = corrupcion un jorn o l'aute, n'ei pas complicat.


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

1 de febrièr 09.53h

#1 "la corrupcion es un espòrt nacional en espanha"
aimi aquera mena de generalizacions.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

1 de febrièr 05.52h

La corrupcion es un espòrt nacional en Espanha. Aval, es l'economia "submergida", lo trabalh e lo mercat negre, qué! Es pro plan mai generalizat qu'endacòm mai. Amont, i ajèt qualques braves cases del temps de Felipe Gonzalez... e abans. Mas lo PP es corromput de la cava al granièr: las municipalitats del PP, las comunitats autonòmas del PP, lo govèrn de l'estat del PP. Tot un recòrd. E sens ajuda del doctor Fuentes. Justament, parlant d'aquel, lo PP cobrís los esportius sospechats de ... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

La banalizacion del faissisme

Avètz entendut de paraulas coma “islamoesquerrista” o “totalitarisme verd”? O encara que se ditz “assistits” als paures e “assistanat” al sistèma ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

“Dins l'espaci occitan, l'escaufament es ben en camin”

Thierry Offre actor culturau de l’occitan e escriveire, mai pereu climatològ

“Dins l'espaci occitan, l'escaufament es ben en camin”
giny

giny

publicitat

lateral 2 teveoc

Fotografias

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Franc Bardòu

    Asuèlhs Bigordans

  • Valadas. © Xavi Gutiérrez Riu

    Valadas

  • © Aure Séguier

    Carnaval Biarnés 2017

  • Julien Cazenave

    17.02.2019: manifestacion a Brussèlas en sosten als independentistas catalans

  • Estivada 2013. © Guillem Sevilla

    Estivada 2013

  • Asuèlhs de Garnagués. © Franc Bardòu

    Asuèlhs de Garnagués

  • © Franc Bardòu

    Tèrra albigesa

  • © Iñaki Delaurens

    Val d'Aran

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Besièrs, preséncia d'occitan en ciutat e CIRDOC

  • © Zep Armentano

    Era Mongetada (Val d'Aran 28-29 d'octobre 2017)

  • Val d'Aran, cap de Gasconha

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • Montpelhièr la lengadociana

  • © Conselh Generau d'Aran

    Lo Torn de França 2016 en Aran

  • © CD

    Escòla Calandreta dau Mas. Drap (País Niçard)

  • © Franc Bardòu

    Catalonha etèrna

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

T’inquieta la situacion politica en Itàlia?


40%



50%



10%



0%



0%




Vots 10 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)