Bandièra01 1180x150: Comuna de Tolosa

Actualitats

Senhaletica en occitan sus la pista ciclabla de Bearn fins al Bas Ador

Lo departament dels Pirenèus Atlantics (Bearn, Bas Ador e Bascoat Nòrd), es a far una pista ciclabla que connectarà Bètharram (Bearn) e Baiona (Bas Ador), sus 170 quilomètres de circuits e sens comprene cap de còsta de mai de 3%.
 
“L’interès d’aquel trabalh es que poirà èsser partejat pels pedons, los cicilistas, los patinaires e las personas de mobilitat redusida”, çò diguèt Bernard Soudar, vicepresident del Conselh General en carga de las politicas environamentalas.
 
Ça que la, l’interès mai grand d’aquela via verda, per nosautres, es sa senhalizacion tanben en occitan.
 
“Los panèus direccionaus d’aqueth camin verdejant que son bilingües. Lo conselh generau deus Pirenèus Atlantics que hidè a l’InÒc d’Aquitània l’arrevirada deus toponims pertocats”, çò ditz l’InÒc d’Aquitània, qu’a pres en carga la restauracion dels toponims dins lor nom originari en los normalizar graficament.
 
A l’ora d’ara, dins lo primièr tròç dobèrt de Laruenh a Tarsac (13 quilomètres), se pòt veire la senhaletica coma cal.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

BOURDON Pau
7.

#6 La prumèra causa a díser que seré totun de s'arregaudir, non ? E entaus d'ací, de brombar tanben las espèras, çò de prometut e de non-complit. De fèit, de que n'i a sus Jornalet que volerén que los comentaris e deviengossen un teatre permanent d'afirmacion gascona, incapables qui son, eths, d'aviar, deu lor costat, quina iniciativa que sia entà valorizar lo gascon.

  • 2
  • 0
Guilhèm Bearn
6.

#5 Que crei "Lo Pèir" que hasè drin d'umor.
Los toponimes ne'm semblan pas estar lengadocianizats, sonque escriut en grafia classica !
Ac cau senhalar per un signe quan s'i hè drin d'ironia per exemple ?
La militança òrba, que vad c...

  • 1
  • 0
Halhèr Les
5.

#2 Era civilizacion hè temps qu'avance. Es notícies de Gasconha se liegen tostemp en francés (exceptat es d'Aran qu'arriben en catalan e castelhan). E per un viatge qu'arriben ena nòsta lengua, planhes que sien redigides en un aute dialècte. "Vai-te'n cagar a la vinha!"

  • 7
  • 2
BOURDON Pau
4.

Qu'ei hèra beròi aquò, de hicar panèus bilingües sus aquera pista ciclabla, mes que caleré, totun, hicà'n tanben sus las rotas, las de la'n passan las autos ! Que'us atendem vint ans a !

  • 7
  • 0
Lo Pèir
3.

La civilizacion avança: la Gasconha qu'es enfin lengacionizada! S'èm urós totun? Com planhi tots los qui n'an pas aqueth bonur!

  • 0
  • 18

Escriu un comentari sus aqueste article