Bandièra01 1180x150: Comuna de Tolosa

Actualitats

An vist lo lop per lo primièr còp en Vivarés

| Gunnar Ries

La preséncia d’un lop es estada testificada per lo primièr cop oficialament dins la contrada de Vivarés (lo departament d’Ardecha), mercés a una fotografia presa sus la comuna de Celèir del Luc (Botèiras), segon çò qu’a anonciat la prefectura dins un comunicat.


Se sospechava la preséncia de l’animal dempuèi junh de 2012, quand comencèron los atacs contra d’animals domètges. Fins ara son 18 los atacs documentats.
 
L’Ofici Estatal de la Caça e de la Fauna Salvatja (ONCFS) escartèt pas aquela ipotèsi, e en novembre passat, s’avièt un ret d’observaires, mas “cap d’observacion visuala, cap de pesada, cap de traça genetica èra pas venguda per confirmar amb certitud la preséncia del lop”, çò a informat la prefectura del departament.
 
La preséncia de l’animal s’es confirmada gràcias a una fotografia que la prenguèt lo 12 d’abril passat, a 1h35 del matin, un dels aparelhs automatics de la Direccion Departamentala dels Territòris, sus la comuna de Celèir del Luc, en Botèiras, près de Marjarida.
 
Los especialistas del Centre Estatal d’Estudi e de Recèrca Aplicada (CNERA), de l’ONCFS, après analisar lo clichat, an estimat que “los critèris relevats son majoritaris per caracterizar un lop”.
 
La prefectura del departament d’Ardecha a remembrat que dempuèi l’an passat, an mes un dispositiu per protegir sustot los tropèls contra los atacs del lop.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
2.

Òu ! Lo Celièr del Luc es la Marjarida !!

  • 0
  • 0
kawkú
1.

la lebre, e lo rainal dançar...

  • 0
  • 0

Escriu un comentari sus aqueste article