Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaMauras

Creacion de la comunitat de comunas dau Golf de Sant Tropetz

Lei dorsiers principaus van èstre d’assegurar l’aprovisionament en aiga e la question dei camins. L’Estat se desengatja financiarament e delèga un cèrt nombre de responsabilitats

La creacion de la Comunitat de comunas dau Golf de Sant Tropetz es lo resultat d’una concertacion entamenada en 1994 entre l’associacion dei Cònsols de 12 comunas dau canton de Grimaud e Sant Tropetz que preparàvon un Esquèma de Coeréncia Territoriala.
 
Despuèi febrier de 2013 aquela associacion foguèt dissolguda e remplaçada per aquela novela estructura que fusiòna lo Sindicat Intercomunau a Vocacions Multiplas (SIVOM) dau País dei Mauras-Golf de Sant Tropetz, lo SIVOM dau Litorau dei Mauras e lo SIVOM dau Golf, lo Sindicat dau Golf de Sant Tropetz, lo Sindicat de la Bolhadissa, lo Sindicat d’Amainatjament dau Pratconil, lo Sindicat intercomunau de la Giscla, la SIVTAS Transpòrts e Amainatjament escolaris.
 
Lo president de la Comunitat es Jaume Senequier, cònsol de Cogolin, segonda ciutat en populacion (11 104 estatjants) après Santa Maxima (13 441 estatjants). Recamparà dins aquela estructura tantben per òrdre d’importància lei comunas dau còr dau País dei Mauras: Cavalaire, Sant Tropetz, Grimaud, La Crotz, Garcin (Gassin), Lo Plan de La Torre, Ramatuèla, La Gàrdia Freinet, La Mòla e Lo Raiòu Canadèu per un totau de 55 245 estatjants.
 
Un dei dorsiers principaus de la Comunitat va èstre d’assegurar l’aprovisionament en aiga de beure en demandant la relança de la ligason est dau Var dau Canau de Provença. Un autre dorsier serà la question dei camins grands e mens grands coma aqueu dau transpòrt en comun ò l’amainatjament d’aquest territòri somès a grandei pressions urbanas.
 
Lo cònsol relèva que l’Estat se desengatja financiarament e que dins lo meme temps delèga un cèrt nombre de responsabilitats. Lo Consèu generau dau Var e la Region Provença-Aups-Còsta d’Azur aguent lo meme problèma que se repercuta au nivèu dei subvencions que baisson e faguent que lo financiament se dèu faire desenant per de ressorças pròprias, valent a dire de la Comunitat.
 
 
 
 
Laurenç Revèst

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

SantTropetz Sant Tropetz
4.

La Wipidèdia nos ditz que l'etim latin es Sanctus Torpetius, la seqüéncia -ti- demanda lo tractament regular -tz en occitan; -tz se pronóncia [s] o es mut dins lo dialecte provençal local.

Mas http://www.oocities.org/toponimiaoccitana/83.html nos ditz que ven de sant Torpete, prononciat : [san tru'pè] (Bouvier), [sen trupe] (Gilliéron & Edmont).

Alara Sant Tropet o Sant Tropetz, qual a rason?

  • 1
  • 0
pessamessa siverga
3.

aquo es un non-eveniment, de comunautats de comuna se ne fai de pertot, es obligatori, lei Sivom e autres sindicats intercoumunaus son absorbits per aquesta novèla estructura qu'engatgja de fonccionaris territoriaus ne'n vos ne'n vaqui e dins leis impost locaus li a ja una linia comunautats. l'estat se desebgatja ? es una letania plena d'ipocrisia deis elegits locaus que dins lo buget dei pichotei comunas multitudinàrias l'estat es sempre omnipresent ambe sei DGF (dotacions globalas de fonccionament e autras) que en estent la crisi demenisson,de segur, mai que pasmens representan una massa bugetària tres, quatre, fins qu'a dètz cops mai importanta que leis imposts locaus

  • 1
  • 0
golf
2.

Lo golf es una baia.
Lo gòlf es un espòrt.
Lo gòlfe* existís pas dins nòstra lenga.

  • 2
  • 2
Lo plantorrian Lo Plan de La Torre
1.

An ben fach de decidir au país, que senon èra mossur lo prefet qu'auriá decidit a nòstra plaça per dire çò que duviá estre la comunitat de comunas dins nòstre país. E vòc amics legeires, en França lo govèrn centrau es totjorn lèst a velhar per lei bravei gents...

  • 2
  • 0

Escriu un comentari sus aqueste article