CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 21 de julhet

Actualitats

Dijòus, 30 de mai de 2013, 03h00 Societat,Lenga,Espòrt

Lengadòc > Lengadòc Naut > Tolosan

Fotbòl. Per Tolosa totjorn mai


Comentaris 4 comentaris    
Marrit Flac Bon Plan bon Fabulós (5 vòtes)
carregant En cargar



© GD


© IT 93


© GD





Etiquetas
fotbòl, occitan, tfc, tolosa

Los Indians de Tolosa (grop ultra del Club de Fotbòl de Tolosa) despleguèron una bandieròla en occitan a l’escasença de la darrièra partida del campionat de Liga 1 contra Montpelhièr dimenge passat. Mentre que los jogaires intravan sul pelenc (al son del Se Canta, imne oficial del CFT), los Indians de Tolosa levèron una brava bandieròla: “Per Tolosa totjorn mai”. D’unes dison que seriá la devisa de la Ciutat Mondina.
 
Çò segur, es pas lo primièr còp que los Indians de Tolosa fan d’animacions en emplegant la lenga nòstra. Ja o faguèron per exemple contra Bordèu amb un messatge l’an passat: “Garona es violeta e o demorarà” (e darrièr la bandieròla, de centenats de cartons amb la crotz occitana). Los Indians de Tolosa ja an fait qualques eissarpas en occitan: “Per Tolosa totjorn mai” o encara “Tolosa sèm nautres”. Dos professors organizèron de talhièrs de lengadocian e de gascon i a dos ans (se debanavan al local de l’associacion).
 
Tot còp, cal precisar que d’autres grops ultras en Occitània utilizan la lenga nòstra coma mejan d’expression dins las tribunas de fotbòl: a Bordèu, Montpelhièr, Marselha e sustot a Niça amb la Brigada Sud. Aquel fenomèn existís un bricon mens al rugbi pr’amor que los grops d’afogats son mens organizats. I a pas de vertadièrs grops ultras coma al fotbòl.
 
La sason 2012-2013 foguèt tanben la dels 20 ans d’existéncia dels Indians de Tolosa. Los resultats del CFT ajudèron pas lo public a venir d’un biais nombrós a l’Estadium. Una sason mejana pel CFT qu’acaba a la desena plaça: 13 victòrias, 12 resultats d’egalitat, 13 desfaitas. L’ambient foguèt alavetz de mal botar dins las tribunas e mai que mai dins la virada Brice Taton (virada que pòrta lo nom d’aquel sòci dels Indians de Tolosa que foguèt assassinat a Belgrad lo 29 de setembre de 2009).
 
Los 20 ans dels Indians de Tolosa foguèron festejats mai d’un còp dins la sason: contra lo PSG lo 1r de febrièr passat (amb una desfaita 4 a 0, çò qu’empachèt pas los Indians de Tolosa de cantar fins al cap de la partida), a Roazhon lo 10 de febrièr passat e fin finala contra Montpelhièr dimenge passat. Un concèrt se faguèt tanben la setmana passada: concèrt dels 20 ans a la Dinamo de Tolosa amb Skarface, The Branlarians e Ska Fever.
 
 
 
 
Giraud Delbés



publicitat
BANER1-2-3: DGPL TRADUCTOR



Comentaris

30 de mai 09.35h

Una causa que m'agrada : "Aquel fenomèn existís un bricon mens al rugbi pr’amor que los grops d’afogats son mens organizats. I a pas de vertadièrs grops ultras coma al fotbòl."

Mai cresiau bonament que lo rugby èra l'espòrt dau pòble occitan e que representava son identitat pregonda ! :nèsci:


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

30 de mai 09.32h

#2 Es la devisa de la ciutat de Tolosa, tot simplament. Se volias trollejar sus lo nivèu de lenga deis ultras tolosan aqui, sias mau partit.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

30 de mai 09.03h

Es atau que's dit a Tolosa ? "Mai" o "totjorn" ?


Valoriza aqueste comentari:   votar positiu 0   votar negatiu 6
Respondre comentari replica Comentari inadeqüat   Formulari d'abús de comentari

30 de mai 05.43h

S'i botèssen los afogats de rugbi a desplegar de bandieròlas aital, en mai del fotbòl, la comuna mondina se bolegariá encara mai per l'occitan.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • © Aure Séguier

    Carnaval Biarnés 2017

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Zep Armentano

    Era Mongetada (Val d'Aran 28-29 d'octobre 2017)

  • Musèu de Terra Mata, Niça, mai anciana traça de fuec au monde

  • Val d'Aran, cap de Gasconha

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Canejan. Pontaut e coret de Bausen. © Xavi Gutiérrez Riu

    Val de Toran (Aran)

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Laurenç Revèst

    Menton, 'a vivaroalpenca maritima

  • © Laurenç Revèst

    Fòrt Maginòt de Sant Anhe

  • © Laurenç Revèst

    Ua comua de la valaia dai Palhons: L'Escarea, gents de cadea

  • © Franc Bardòu

    Coserans al còr

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Dins una carrièra de Rodés, estiu 2013. © Maria-Carlòta Cassabois

    L'occitan per carrièras (concors de prima 2014)

  • Zep Armentano

    25au Corsa Aran per sa Lengua

  • © Franc Bardòu

    Asuèlhs de Lauragués

  • © Laurenç Revèst

    Mónegue

  • Arribada de la prima en Naut Rasés. © Terric Lausa

    Arribada de la prima en Naut Rasés

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Franc Bardòu

    País Bordalés

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)