Bandièra01 1180x150: Comuna de Tolosa

Actualitats

Es lèsta, l’ÒNU, d’intrar en guèrra en Còngo?

The Economist afirma que lo Conselh de Seguretat de las Nacions Unidas se prepausa de comandar per lo primièr còp una intervencion militara

Fa d’ans que la violéncia s’es incrustada dins la Republica Democratica de Còngo. De conflictes de tota mena e de violacions dels dreches umans afèctan de grands airals d’aquel país immens de l’Africa centrala, amb qualques milions de mòrts e de desplaçats. L’estat es pas capable de far res, los païses vesins fan pas res e la comunautat internacionala tanpauc; tot aquò a ajudat a esperlongar la guèrra.
 
Es per aquò que, segon The Economist, lo Conselh de Seguretat de l’ÒNU es a soscar per dessenhar una linha roja e s’i engatjar dirèctament.
 
Après catòrze ans amb una mission de patz sul terren, pel primièr còp dins l’istòria, las Nacions Unidas serián dispausadas a i comandar una operacion militara. The Economist a revelat que tres mila soldats de Malawi, Sud-Africa e Tanzania, amb l’emblèma de l’organisme internacional, se desplegarián en Còngo amb l’objectiu de luchar contra las faccions rebèllas activas dins l’èst del país. Seriá l’ÒNU, e non pas l’OTAN ni los Estats Units, que s’encargariá dirèctament de totas las operacions armadas: amb d’artilhariá, d’elicoptèrs, d’atacs terrèstres...
 
Segon lo jornal estatsunidenc, lo fach que las Nacions Unidas sosquen a trencar lor neutralitat istorica implica de risques perque, en cas que l’operacion capitèsse mal, lor imatge ne poiriá demorar gastat a tèrme long.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pessamessa siverga
1.

lo drech d'ingeréncia novèla doctrina de l'ONU ? vist que dins aquesta organizacion regna lo pati, ben mai qu'una governànça, impossibla encausa de seis estatuts e dau nombre estraordinari d'estats lilipucians que menan força fum, aquo nos promete d'embrolhs sensa fin ! e ren serà reglat !

  • 0
  • 0

Escriu un comentari sus aqueste article