Bandièra01 1180x150: Comuna de Tolosa

Actualitats

Rugbi XIII: tròp grands los gigants!

Paures Dracs: se’n tornèron d’Anglatèrra aqueste dimenge amb la mala plena de punts encaissats dissabte al ser cò dels Gigants d’Huddersfield: 60-16! La resisténcia lo primièr temps (24-12), puèi una operacion “pòrtas dobèrtas” sus la fin! I agèt, se ditz, una seriosa explicacion de tèxtes de l’entraïnaire Laurenç Fraissinós al retorn dins los vestiaris.
 
Ara, amb la signatura del jogaire anglés de Bradford, Whitehead, coma joquèr medical d’Anderson, los Dracs se preparan a reçaupre los London Broncos aqueste dissabte a 18h, puèi lo dissabte 13 (a 17h) serà lo quart de Cup amb la venguda en tèrra catalana d’Hull FC. D’esperar un retorn de flamba dels Dracs, amb fuòc d’artifici, se vos plai!
 
Lo temps de las Copas del Monde es vengut en Anglatèrra: dobertura aqueste dimècres 3 de julh amb lo XIII Fautuèlh ont los Blaus an los mejans e la capacitat d’anar plan luènh dins una disciplina inventada en cò nòstre.
 
Serà mai complicat per las femininas que faràn sas classas fàcia a la Nòva Zelanda (divendres 5), Austràlia (diluns 8) e Anglatèrra (dijòus 11).
 
 
 
 
Alan Roch

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alan Roch Carcassona
1.

XIII Fautuèlh : França bat Anglatèrra : 28-20

http://www.ffr13.fr/index.php/index.php?option=com_content&view=article&id=5729

  • 2
  • 0

Escriu un comentari sus aqueste article