Bandièra01 1180x150: Comuna de Tolosa

Actualitats

An fòrabandit un seissantenat de refugiats somalians d’un esqüat de Montpelhièr

| La Cimade
Dimècres de matin, un seissantenat de ciutadans somalians foguèron expulsats d’un esqüat de la Carrièra Du Guesclin, darrièr la gara. De representants de la CIMADE èran sus plaça.
 
La CIMADE (sigla francesa pel Comitat Intermovements al près dels Evacuats), servici ecumenic d’entreajuda, es una ONG d’origina religiosa, protestanta, que trabalha en ajudar e sosténer los refugiats.
 
Dempuèi mai de dos ans, qualques 80 demandaires d’asil politic esperavan per èsser relotjats e regularizats dins aquel esqüat, una bastissa vièlha de l’SNCF.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Robert Lauragués
7.

#5 Un comentari cargat de prejutjats e d'òdi, esperi que fruch de l'ignorància. respondrai pas

  • 0
  • 0
pjmasdiset lunh
6.

Incredible (e drin hastiau, tanben) aqueth biaish qu'an los reaccionaris, los conservators e tot aquera mena de gents de's pausar en victimis, e mei encara, de's prénder per las vutz deu politicament incorrècte.

Fau daubrir los ulhs, un chic : vosautes atz la paraula oficiala, mediatica, l'accès aus mediàs de massa, au poder politic e ne'n passi. Se plànher d'èster muselat quand las teles, radiòs, premsa papèir e internet tot dia nos rebaten lo clòsc dab aquestas paraulas d'intolerància, fau pas aver paur totun...

  • 4
  • 0
pèire cardenal sivergues 84400
5.

l'estatut de refugiat es una pratica europeana de repentir que data de la seconda guèrra mondialo justificada en son temps. vuèi dins un mond globalizat, es evident que refugiats politics e refugiats en cerca d'una societat melhora que la sieuna se confondon, e aquo fai de centenas de milions d'éssers humans dau Paquistan a la Somali. e deuriam nautres lei recebre e li donar d'avantatges materiaus que dins son pais d'origina son un somni revelhat ? pas besonh d'anar en Somali per saubre que dins aqueu maluros estat independent, es lo bordelàs islamista, piratas, famina, fanatisme, femnas excisadas,banditisme, bandas armadas mentre quà costat a Djibouti ex colonia francesa la vida ei pas tant inumana e li sovetèm longamai ! pron que dure ! la question que me pausa Pèir-Joan Masdiset me sembla caracterisca de l'individualisme morau exagerat de nostra epoca. tant qu'un somali aurà pas banejat dins mon vilage, aurai pas lo drech de m'exprimir sus la question dei refugiats politics. parier pèr lo maridatge per totis, que dos gays de maridèsson, aquo geina pas ma libertat,,alora perqué s'opausar a-n-aquela reforma dau code civil ? tot aiço vau dire en rasonant ansin que li a una veritat oficiala moralament corrècta que li podèm pas anar contra, perqué nos concernis pas dins nostra tebaïda e que meritam totei leis epitèts injurios e insurtants per aguer formulat una opinion contrària

  • 1
  • 3
Lo dau Gaudemard
4.

S'un refugiat a recebut ò mandat un mail o un SMS èra ja fotut ! L'estat sabiá ja tot (localisacion, contengut dau messatge...) via l'espionatge.

  • 0
  • 0
Robert Lauragués
3.

#1 Dich en autres mots: "Cor cor Euròpa!! Barra la pòrta còp sec!! Se que non intrarà tota la mèrda que nautres avèm semiada endacòm"

Deplorable sénher Cardenal. Esperi qu'ajatz pas jamai de besonh d'asil politic, vos

  • 2
  • 0

Escriu un comentari sus aqueste article