Bandièra01 1180x150: Comuna de Tolosa

Actualitats

Lo jornal espanhòl El País met en question los estudis occitans

La cadièra d'Estudis Occitans de l'Universitat de Lhèida organizèt una presentacion de <em>Jornalet</em> a l'Universitat
La cadièra d'Estudis Occitans de l'Universitat de Lhèida organizèt una presentacion de Jornalet a l'Universitat | Cadièra d'Estudis Universitaris de l'Universitat de Lhèida
Lo jornal espanhòl El País, que pendent qualques ans foguèt considerat un quotidian de referéncia per l’esquèrra europèa, ven de metre en question la continuitat e lo besonh dels estudis occitans de l’Universitat de Lhèida (UdL). En emplegant coma desencusa la crisi economica e l’austeritat budgetària, dins un article signat a Madrid per Pablo León, lo jornal dobta qu’aqueles corses meriten d’èsser impartits e ne defend quitament la desaparicion.
 
En prenent en compte que l’article fa referéncia al mitan academic, estona la manca de rigor e la desconeissença absoluda qu’a l’autor per rapòrt a l’occitan. Non solament desmembra que justament dins la província de Lhèida, en la Val d’Aran, i a lo sol endrech ont l’occitan es lenga territoriala oficiala, mas afirma qu’aquela lenga “a” solament dos milions de parlants. Se lo nombre de parlants fa qu’una lenga siá melhora o pièger? L’autor apond que l’occitan es una “una lenga d’origina medievala” d’un biais mespresós, coma se lo castelhan, la lenga en la quala es escrich l’article, aguèsse sas originas dins l’Edat de Pèira. Per tot aquò, El País se demanda se los estudis occitans de Lhèida devon desaparéisser per lor còst economic e la pauca demanda.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

manjacostel Mureth
16.

El Pais , un jornal d'esquèrra? Coma lo Monde? Mas que l'esquèrra es vertadièrament a drecha de la drecha , quora la fintem d'en facia ? Jaurès dirià que de non. Mas qu'es mòrt. L'esquèrra araes ambe Snowden, Assanges , Mediapart, contre ANI?
Que se cal remembrar .........Ont la drecha va pas los socialistes i arriban? Non?
O coma conarias ressegadas de longa : " te demanda pas çò que l'Estat farà per tu mas çò qe farà cada jorn per lo CACA 40 ambe l'esquèrra.... Son venguts estalviaires sus l'esquina dels paures

  • 0
  • 0
Domergue Sumien Ais de Provença
15.

#12 Çò de radicau e intolerant qu'ei dens l'antinacionalisme primari de Bourdon. Qu'i èm acostumats. Non se deishar pas intimidar.

  • 5
  • 1
Robèrt Lauragués
14.

#12 Se renonciatz a vos exprimir, balhatz de vam a n'aquel "escabòt sectari"

  • 0
  • 0
Rolf
13.

Vergonha

  • 3
  • 0
BOURDON Pau
12.

#11 La victimizacion qu'agrada hèra aus radicaus. Jo tanben qu'èi vist la darrèra frasa, qui ei contrària a l'interpretacion hèita dessús, mes com sovent qu'èi renonciat a m'exprimir: sus aquestes comentaris, autanlèu qui dises quauquarren a contrapeu deus nacionalistas, que't retròbas dab 6 o 8 valoracions negativas, quan ne son pas 15 o 30. E qu'èi auta causa a har deus mens sòus que de crompar ua taula numerica entà har parièr, en l'aute sens :-)) Per tant qui Jornalet e s'i hasca dab meriti a presentar punts de vista de tota tendéncia filosofica e politica, los sons comentaris que son devienguts lo lòc d'encontre privilegiat d'un escabòt sectari.

  • 3
  • 7

Escriu un comentari sus aqueste article