Actualitats
Occitània a ganhat lo torneg internacional de fotbòl de l’Illa de Man
Nòstra seleccion nacionala de fotbòl a atench aital son primièr trofèu màger
La seleccion occitana de fotbòl a ganhat son primièr torneg, lo Tynwald Hill International Football Tournament, que se debanèt del 4 al 7 de julhet a l’Illa de Man.
Après dos encontres ben mestrejats davant Sealand, la nacion mai petita del Mond, e lo Tamil Eelam, diaspòra de jogaires tamols d’Sri Lanka, los occitans arribèron a la finala contra l’esquipa de l’Illa de Man qu’aculhissiá lo torneg.
Deidièr Amiel a vist, fin finala, son sòmi de portar al país un trofèu màger del temps que l’Associacion Occitana de Fotbòl (AÒF) a contunhat son prètzfach de difondre, valorizar e far parlar del país, de la lenga e de la cultura dels occitans. Un prètzfach que cal menar a tèrme, non solament dins lo Mond mas tanben dedins Occitània. E l’AÒF o fa ben, dins l’encastre dels jogaires e amators de fotbòl.
Al delà dels entraïnaments, los esportius de nòstra seleccion nacionala seguisson cada jorn un cors d’una ora sus l’istòria, la geografia, la lenga e las arts occitanas.
L’esquipa occitana a trabalhat dur, dempuèi 2005, per portar una copa al país. Fins ara, tostemps pròches de capitar, los esportius occitans èran estats eliminats en cors de rota per l’esquipa ganhanta: Sud Tiròl a l’Europeada en 2008 e 2012 e Curdistan en VIVA 2012.
Après dos encontres ben mestrejats davant Sealand, la nacion mai petita del Mond, e lo Tamil Eelam, diaspòra de jogaires tamols d’Sri Lanka, los occitans arribèron a la finala contra l’esquipa de l’Illa de Man qu’aculhissiá lo torneg.
Deidièr Amiel a vist, fin finala, son sòmi de portar al país un trofèu màger del temps que l’Associacion Occitana de Fotbòl (AÒF) a contunhat son prètzfach de difondre, valorizar e far parlar del país, de la lenga e de la cultura dels occitans. Un prètzfach que cal menar a tèrme, non solament dins lo Mond mas tanben dedins Occitània. E l’AÒF o fa ben, dins l’encastre dels jogaires e amators de fotbòl.
Al delà dels entraïnaments, los esportius de nòstra seleccion nacionala seguisson cada jorn un cors d’una ora sus l’istòria, la geografia, la lenga e las arts occitanas.
L’esquipa occitana a trabalhat dur, dempuèi 2005, per portar una copa al país. Fins ara, tostemps pròches de capitar, los esportius occitans èran estats eliminats en cors de rota per l’esquipa ganhanta: Sud Tiròl a l’Europeada en 2008 e 2012 e Curdistan en VIVA 2012.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Endavant los Occitans! Òsca!
Plan ben,osca a l'AOF.Aimi pas tròp lo fot mas aquela còla e ben la sosteni a fon!!.Esperi que i aura la meteissa causa pel rubi.
Òsca a l'AOF !!! Contunhatz aital !!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari