Bandièra01 1180x150: Comuna de Tolosa

Actualitats

Cameron a telefonat Rajoy per las tensions amb Gibartar

Cameron e Rajoy se rescontrèron en 2012, dins l'amassada de l'OTAN
Cameron e Rajoy se rescontrèron en 2012, dins l'amassada de l'OTAN
Las tensions entre los govèrns espanhòl e britanic son a aumentar per l’actitud espanhòla amb Gibartar. Lo primièr ministre britanic, David Cameron, telefonèt ièr al president espanhòl Mariano Rajoy, per li transmetre son “grand chepic” pels incidents dels darrièrs jorns e la possibilitat que Madrid impause una taxa de 50 èuros de intrar o sortir de Gibartar.
 
Lo quite Cameron o exliquèt via Twitter, ont qualifiquèt la telefonada de “constructiva”, e diguèt qu’aviá “fach comprene” a Rajoy sos chepics e que sa posicion sus la sobeiranetat de Gibartar cambiarà pas.

De son costat, Rajoy respondèt que las accions unilateralas de Gibartar èran “inacceptablas”.
 
Lo conflicte ven de luenh, e recentament ven de l’incident amb un patrolhador a final de julhet e pels blòcs de beton que Gibartar a plaçat sus la mar “per protegir sas aigas e la biodiversitat”. Los pescaires espanhòls dison qu’aqueles blòcs de beton lor empedisson de far lor trabalh. La reaccion espanhòla foguèt de contraròtles plan durs a a frontièra per intrar e sortir de Gibartar.


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

manjacostel Mureth
7.

Cò qu'es fòrça plasent aquò's que benlèu deman i aurà una discutida a quatre Cameron , Rajoy , Mohamed V, e lo Saraouis non?

  • 0
  • 0
P
6.

L'atractavitat de las telefonadas de Rajoy e de Cameron a prepaus de Gibartruc, me fas rire! Qual se'n chauta d'aqueth tuquet de pèira sens interés?

  • 0
  • 3
garric
5.

#1 Lo Jornalet es generalista, es çò que fa son atractivitat e son excelléncia. Per s'agachar lo monilh, es endacòm mai.

  • 6
  • 0
Casteth Leon Es Bòrdes
4.

#3 Gibartar qu'ei gibartarenca

  • 0
  • 0
independéncia e socialisme deras montanhas!
3.

GIBRALTAR QU'EI ANDALOSA!!!!

  • 0
  • 1

Escriu un comentari sus aqueste article